| Partido RED Gañando Su Mes y NOS Pueblo! |
Cu hopi preocupacion mi a tuma nota di e reaccion di señores Armand
Hessels y Mario Lopez di partido RED riba mi articulo: Vakministers? Si
na momento di scirbi mi articulo antes indica, mi tabata tin cierto duda
tocante e falta di conocimento di partido RED riba e topico di bon gober-
nacion (ta pesey mi a usa e signo ?), awor mi ta totalmente convenci cu
partido RED no tin ningun idea di e tereno di gobernacion cu nan ta kere
di por bay mehora! P’esey, permiti’mi duna pueblo mas y miho
informacion al respecto.
Na prome luga: corupcion ta un problema di hende su integridad! E no ta
un problema di ley, sistema of conocemento. Como consecuencia, cu of
sin vakminister, semper lo por tin corupcion. Pesey, crea e impresion cu
un vakminister ta GARANTIA pa resolve problemanan di corupcion ta
resulta di ta un halucinacion. Bisa tambe cu un minister cu ta elegi
democraticamente (P.S. lesa aki miho: un minister cu a participa den un
proceso di eleccion democratico), MESTER ta corupto, ta otro ponencia
descabeya.
Na segundo luga: RED ta pinta e problematica di mal gobernacion
manera un amateur cu ta hunga un wega di bala sin conoce su reglanan.
Tur hende cu conoce e funcionamento di un aparato gubernamental sa,
cu ta trata di algo compleho, caminda entre otro, ta hunga un rol e existen-
cia di diferente nivel di maneho, cooperacion den y entre departamento,
mecanismonan di control, conocemento di ley y proceduranan. Papiando
di mecanismo di control den gobierno, esaki mester tuma luga den tur
departamento, mientras cu tin tambe organonan specialisa manera
Algemene Rekenkamer, Centraal Accountantsdienst y Landsrecherche. Si
por ehempel, pa motibo di presupuesto, e departamentonan aki ta sub-
ocupa cu personal, e calidad di gobernacion nunca por ta bon. Di e
manera aki, crea e impresion den pueblo, cu si cambia un minister
politico pa un cu ta profesional, lo garantisa un bon gobernacion, ta duna
un bista totalmente robes di henter e situacion. Mas ainda, un minister cu
no conoce e funcionamento gubernamental, por crea un MESS, sea cu e
ta un vakminister of no. Aki tin un problema cu a causa hopi daño na
Aruba den ultimo añanan. Pero, esaki no tabata pa falta di e sistema,
sino pa un mal uso di e sistema.
Na di tercer luga: sr. Hessels ta expone algo inacceptabel y peligroso.
Esta cu, “ya caba e gobernantenan ta viola cantidad di ley y no lo tin
ningun problema di viola algun mas”. Pasobra kiko esaki ta implica? Cu
pa mal uso di e sistema, lo mester elimina henter nos ESTADO DI
DERECHO? Of, no ta miho cu nos lo mester busca e manera di pone e
sistema actual funciona bon. Akinan Sres. Hessels y Lopez, NO a
compronde e comparacion cu mi a hasi entre SVb y AZV. E dos casonan
por wel di parse un comparacion entre un bala di futbol y un truck. Nan tin
sinembargo, en comun e ERROR DI PENSAMENTO cu MESTER
cambia un sistema, na luga di dreche, pasobra e no ta funcionando bon.
Na di cuater luga: curiosamente RED no ta reaciona riba mi ponencianan
cu nan sistema di vakminister por fire back riba nan ora oposicion logra
demostra cu nan vakminister no ta funcionando bon, of ora resulta cu
RED su fraccion den parlamento, cu personanan menos califica cu e
vakminister, no logra di controla esaki debidamente. Ta aki bo ta bay
haña e bala di futbol cu lo no detene e truck! Awor, e asunto aki ta mas
complica ainda y mi ta duna henter partido RED y nos pueblo en general,
“food for thought”. Staatsregeling di Aruba, den articulo II.2, inciso 1, ta
bisa cu ta STATEN, y no fraccion di un partido politico, por baha un
minsiter. Esaki kier meen, cu si na un momento dado partido RED ta
esun cu no ta di acuerdo mas cu su vakminister, e lo no por hasi NADA
sin aprobacion di su partner di coalicion. Pesey, aki tambe partido RED
ta malinformando pueblo door di bisa cu RED lo bin cu un sistema
caminda su fraccion den parlamento lo tin full control riba nan vakminister!
Na di cinco luga: si acaso partido RED tin e aspiracion di un dia gana
suficiente confiansa di e pueblo pa goberna pais Aruba cu un mayoria
den parlamento. Ta e ora ey e cos lo bay bira critico. T’asina cu nos
staatsregeling ta bisa tambe den articulo III.14, inciso 1, cu staten por
wordo disolve cu un landsbesluit. Aki ta regarda e autoridad di minister-
raad di por manda staten cas y yama pa un eleccion nobo. Cu RED na
cabes di gobernacion, Aruba por spera den futuro cu un conseho di
ministernan profesional cu NO A WORDO ELIGI DEMOCRATICA-
MENTE (P.S. lesa aki miho: cu NO A PARTICIPA DEN UN PROCESO DI
ELECCION DEMOCRATICO), lo por manda staten cas cu SI ta eligi
democraticamente! Sres. Hessels y Lopez lo por ta’sina bon di
splica pueblo ta ki adelanto democratico RED ta proponiendo aki na
pais Aruba?
Na di seis luga: e complicacion cu minsternan profesional ta
aumenta. Nos Codigo Penal (Wetboek van strafrecht) den articulo
86, inciso 1, ta bisa cu tur persona eligi door di nos sistema
electoral legal, ta wordo considera como un empleado publico
(ambtenaar). Consequentemente, tur parlamentario y minister cu ta
eligi democraticamente por wordo persegui y castiga pa
“ambtsmisdrijven”, esakinan ta delitonan cometi den e ehercicio di
nan funcion. Tal articulo di ley NO TA APLICABEL pa un
vakminister! Cu otro palabra, un minister profesional por sali liber
di delitonan cu e comete como funcionario den servicio di pais
Aruba, simplemente pasobra no tin un base legal pa castigue!
Esaki, ta contradeci totalmente e ponencia di RED cu vakministers
ta e solucion pa un sistema corumpi! P.S. punto seis no ta valido
mas, ya cu e ta referi na un articulo di ley cu a wordo adapta!
Na di siete luga: mi ta puntra mi mes si RED a yega di tende di e
PROBLEMA DI GARANTIA aki na Aruba? Ta parse cu no, pasobra
esey a tuma luga den e tan gaba prome gabinete Eman, caminda
hustamente un VAKMINISTER tabata responsabel pa e cartera di
economia!
Por lo pronto mi contesta na sres. Hessels y Lopez por keda te
akinan. Mi ta spera cu e lector awor ta compronde ta ken ta
gañando su mes y nos pueblo. E reaccionnan di e dos
representantenan di partido RED ta contene varios otro
BARBARIDAD, cu mi no sa te na unda ta vale la pena reacciona riba
nan. Tal vez ta bon pa mi scoge un di nan pa termina e notanan aki.
Sr. Hessels ta expone cu mi persona ta desgaba e unico sistema cu
den historia di Aruba a prueba su mes di ta funciona drechi y na
bienestar di Aruba. Awor ta interesante pa sa ta KI SISTEMA
HISTORICO, Sr. Hessels ta papia di dje? RED no a ripara ainda cu
tanto na Hulanda como na Aruba e concepto di vakminister a wordo
usa unicamente como medida di emergencia den tempo di crisis y
cu na Aruba esaki tabata tin, por lo menos, un consecuencia
desastroso!
Hessels y Mario Lopez di partido RED riba mi articulo: Vakministers? Si
na momento di scirbi mi articulo antes indica, mi tabata tin cierto duda
tocante e falta di conocimento di partido RED riba e topico di bon gober-
nacion (ta pesey mi a usa e signo ?), awor mi ta totalmente convenci cu
partido RED no tin ningun idea di e tereno di gobernacion cu nan ta kere
di por bay mehora! P’esey, permiti’mi duna pueblo mas y miho
informacion al respecto.
Na prome luga: corupcion ta un problema di hende su integridad! E no ta
un problema di ley, sistema of conocemento. Como consecuencia, cu of
sin vakminister, semper lo por tin corupcion. Pesey, crea e impresion cu
un vakminister ta GARANTIA pa resolve problemanan di corupcion ta
resulta di ta un halucinacion. Bisa tambe cu un minister cu ta elegi
democraticamente (P.S. lesa aki miho: un minister cu a participa den un
proceso di eleccion democratico), MESTER ta corupto, ta otro ponencia
descabeya.
Na segundo luga: RED ta pinta e problematica di mal gobernacion
manera un amateur cu ta hunga un wega di bala sin conoce su reglanan.
Tur hende cu conoce e funcionamento di un aparato gubernamental sa,
cu ta trata di algo compleho, caminda entre otro, ta hunga un rol e existen-
cia di diferente nivel di maneho, cooperacion den y entre departamento,
mecanismonan di control, conocemento di ley y proceduranan. Papiando
di mecanismo di control den gobierno, esaki mester tuma luga den tur
departamento, mientras cu tin tambe organonan specialisa manera
Algemene Rekenkamer, Centraal Accountantsdienst y Landsrecherche. Si
por ehempel, pa motibo di presupuesto, e departamentonan aki ta sub-
ocupa cu personal, e calidad di gobernacion nunca por ta bon. Di e
manera aki, crea e impresion den pueblo, cu si cambia un minister
politico pa un cu ta profesional, lo garantisa un bon gobernacion, ta duna
un bista totalmente robes di henter e situacion. Mas ainda, un minister cu
no conoce e funcionamento gubernamental, por crea un MESS, sea cu e
ta un vakminister of no. Aki tin un problema cu a causa hopi daño na
Aruba den ultimo añanan. Pero, esaki no tabata pa falta di e sistema,
sino pa un mal uso di e sistema.
Na di tercer luga: sr. Hessels ta expone algo inacceptabel y peligroso.
Esta cu, “ya caba e gobernantenan ta viola cantidad di ley y no lo tin
ningun problema di viola algun mas”. Pasobra kiko esaki ta implica? Cu
pa mal uso di e sistema, lo mester elimina henter nos ESTADO DI
DERECHO? Of, no ta miho cu nos lo mester busca e manera di pone e
sistema actual funciona bon. Akinan Sres. Hessels y Lopez, NO a
compronde e comparacion cu mi a hasi entre SVb y AZV. E dos casonan
por wel di parse un comparacion entre un bala di futbol y un truck. Nan tin
sinembargo, en comun e ERROR DI PENSAMENTO cu MESTER
cambia un sistema, na luga di dreche, pasobra e no ta funcionando bon.
Na di cuater luga: curiosamente RED no ta reaciona riba mi ponencianan
cu nan sistema di vakminister por fire back riba nan ora oposicion logra
demostra cu nan vakminister no ta funcionando bon, of ora resulta cu
RED su fraccion den parlamento, cu personanan menos califica cu e
vakminister, no logra di controla esaki debidamente. Ta aki bo ta bay
haña e bala di futbol cu lo no detene e truck! Awor, e asunto aki ta mas
complica ainda y mi ta duna henter partido RED y nos pueblo en general,
“food for thought”. Staatsregeling di Aruba, den articulo II.2, inciso 1, ta
bisa cu ta STATEN, y no fraccion di un partido politico, por baha un
minsiter. Esaki kier meen, cu si na un momento dado partido RED ta
esun cu no ta di acuerdo mas cu su vakminister, e lo no por hasi NADA
sin aprobacion di su partner di coalicion. Pesey, aki tambe partido RED
ta malinformando pueblo door di bisa cu RED lo bin cu un sistema
caminda su fraccion den parlamento lo tin full control riba nan vakminister!
Na di cinco luga: si acaso partido RED tin e aspiracion di un dia gana
suficiente confiansa di e pueblo pa goberna pais Aruba cu un mayoria
den parlamento. Ta e ora ey e cos lo bay bira critico. T’asina cu nos
staatsregeling ta bisa tambe den articulo III.14, inciso 1, cu staten por
wordo disolve cu un landsbesluit. Aki ta regarda e autoridad di minister-
raad di por manda staten cas y yama pa un eleccion nobo. Cu RED na
cabes di gobernacion, Aruba por spera den futuro cu un conseho di
ministernan profesional cu NO A WORDO ELIGI DEMOCRATICA-
MENTE (P.S. lesa aki miho: cu NO A PARTICIPA DEN UN PROCESO DI
ELECCION DEMOCRATICO), lo por manda staten cas cu SI ta eligi
democraticamente! Sres. Hessels y Lopez lo por ta’sina bon di
splica pueblo ta ki adelanto democratico RED ta proponiendo aki na
pais Aruba?
Na di seis luga: e complicacion cu minsternan profesional ta
aumenta. Nos Codigo Penal (Wetboek van strafrecht) den articulo
86, inciso 1, ta bisa cu tur persona eligi door di nos sistema
electoral legal, ta wordo considera como un empleado publico
(ambtenaar). Consequentemente, tur parlamentario y minister cu ta
eligi democraticamente por wordo persegui y castiga pa
“ambtsmisdrijven”, esakinan ta delitonan cometi den e ehercicio di
nan funcion. Tal articulo di ley NO TA APLICABEL pa un
vakminister! Cu otro palabra, un minister profesional por sali liber
di delitonan cu e comete como funcionario den servicio di pais
Aruba, simplemente pasobra no tin un base legal pa castigue!
Esaki, ta contradeci totalmente e ponencia di RED cu vakministers
ta e solucion pa un sistema corumpi! P.S. punto seis no ta valido
mas, ya cu e ta referi na un articulo di ley cu a wordo adapta!
Na di siete luga: mi ta puntra mi mes si RED a yega di tende di e
PROBLEMA DI GARANTIA aki na Aruba? Ta parse cu no, pasobra
esey a tuma luga den e tan gaba prome gabinete Eman, caminda
hustamente un VAKMINISTER tabata responsabel pa e cartera di
economia!
Por lo pronto mi contesta na sres. Hessels y Lopez por keda te
akinan. Mi ta spera cu e lector awor ta compronde ta ken ta
gañando su mes y nos pueblo. E reaccionnan di e dos
representantenan di partido RED ta contene varios otro
BARBARIDAD, cu mi no sa te na unda ta vale la pena reacciona riba
nan. Tal vez ta bon pa mi scoge un di nan pa termina e notanan aki.
Sr. Hessels ta expone cu mi persona ta desgaba e unico sistema cu
den historia di Aruba a prueba su mes di ta funciona drechi y na
bienestar di Aruba. Awor ta interesante pa sa ta KI SISTEMA
HISTORICO, Sr. Hessels ta papia di dje? RED no a ripara ainda cu
tanto na Hulanda como na Aruba e concepto di vakminister a wordo
usa unicamente como medida di emergencia den tempo di crisis y
cu na Aruba esaki tabata tin, por lo menos, un consecuencia
desastroso!