| Un Base Solido pa un Maneho Social Adecua |
Partido PPA ta un partido Social Democrata Real y como tal su principio
ta pa boga al maximo pa e bienestar general di nos pueblo. E dos
partidonan tradicional tambe ta pretende cu nan ta hiba un maneho social.
Pero si mira bon e maneho social di tanto e partido BERDE como esun
GEEL tabata ad hoc durante e ultimo 15 aña. Nan preocupa-cion social
ta pa gana voto so durante tempo di eleccion. Cu esaki ta asina mi por
demostra cu ocho punto cu PPA ta indica den su plan di MANHO
SOCIAL. E asunto aki ta di tal indole cu mientras e instrumentonan cu mi
ta bay señala ta ausente, no POR EXISTI un bon maneho social na
Aruba. Mi conclusion ta pesey cu AVP y MEP, NO TIN, of talbes hasta,
NO KIER TIN, e base necesario pa por hiba un maneho social structura.
Cu PPA den gobierno nos esfuerso lo ta pa mehora e situacion aki
drasticamente:
1.Te ainda NO ta usa e instrumento di un Social Budget! I.L.O. a calcula
y presenta Aruba su social budget den e rappoprt di mei 2005, pero
gobierno no a hasi caso ni uso di esaki y no a sigui elabora riba dje! Den
un Social Budget, bo ta mira tur e gastonan social di Aruba, total y pa
area. Bo por sigui e tendencia di tur gasto segun su categoria, bo ta wak
unda tin mas deficit y/of cua gasto ta creciendo di mas, bay for di man,
etc. Un ‘totaal overzicht’/’bista total’ asina ta crucial y ta e promer paso
pa hiba un bon maneho social y tene su gastonan bao control den
cualquier pais. E ta un rapport cu tur pais ta suppose di produci. Pakiko
ARUBA NO?
2.
Ta gaba cu e GDP y e GDP per capita, pero loke ta hopi mas importante
ta e “GINI COEFFICIENT”. E ultimo indicador aki ta duna e midi pa e
distribucion di ingreso den un pais. Gobierno ta suppose di publica e
indicador aki regularmente y fiha su maneho pa mehore! Pero, nunca bo
ta tende nada di e indicador aki na Aruba!
3.
No ta existi un metodo oficial pa midi y monitorea e grado di solida-
ridad den nos systema di Seguridad Social. Hustamente pasobra e
concepto di solidaridad ta asina importante pa e systema Social
Nacional, no por permiti pa use abusivamente. Ta posibel pa desaroya
un serie di indicador di solidaridad, pero gobierno nunca a duna esaki
atencion.
4.
No tin un definicion di pobresa pa Aruba. Pesey, ningun hende sa cuanto
hende pober tin realmente, ni mucho menos por traha un maneho
efectivo pa yuda e categoria aki!
5.
CBS ta calcula un “BESTAANSMINIMUM”, pero nunca tabata tin un
verificacion di con real e cifra aki ta! Ora, bo studia e compontentenan di
e calculo aki, bo ta wak mes ora cu cierto cos no ta cuadra cu nos
realidad.
6.
E calculo di e Salario Promedio Nacional ta semper atrasa pa por lo
menos un cuater pa cinco aña y NO ta haña ningun atencion! De hecho,
tur aña tin problema pa sa ta cua ta e ‘totale loonsom/total di salario ’ y e
‘verzekerde loonsom’/’suma di salario segura’ di AZV y SVb. Tambe tin
problema pa sa cuanto trahador tin na Aruba. CBS, CBA y Directie
Arbeid, cada un ta duna cifranan diferente. Pa motibo di falta di e dos
variabelnan antes menciona (totale loonsom y aantal werknemers), no
por calcula na tempo e ‘Gemiddeld loon/salario promedio’. Esaki tin
como consecuencia cu NO por fiha un bon premie pa AZV y AOV, NO
por determina tampoco un bon “Minimumloon/salario minimo”, ni e nivel
di e Pensioen di AOV y Bijstand.
7.
No ta existi un maneho di salario minimo cu ta tene cuenta cu e
Crecemento Real di e economia (Hulanda por ehempel tin esaki cuarenta
aña caba, inclusive un ley cu ta fiha con e proceso mester wordo hiba!).
Como consecuencia e gap/buraco entre rico y pober, o sea, e pobresa
relativo, ta aumenta dia pa dia! Awor, e gobierno cu tin miedo di hisa e
salario minimo un tiki mas cu e CPI (coreccion pa inflacion so, cu ta
pretende mantenshon di e valor di compra di e sueldo (waardevastheid),
pero no un progreso real, welvaartsvastheid) ta demonstra con mal
economista y gobernante nan ta. Tur e asunto aki por wordo bon maneha
si tin un bon politica pa hisa productividad. Subi productiviad no kier
meen cu tur hende mester traha mas y mas. E kier meen mas bien cu
mester bay traha mas inteligentemente.
8.
Interes cu pueblo ta paga pa fianza pa construccion di cas ‘social’ na
Aruba ta mucho halto. Gobierno ta dispone di un Volkskredietbank, pero
NO ta hasi nada efectivo cu ne!
Awor, tur dos partido tradicional, ta pretende cu nan kier goberna Aruba
NAN SO durante e proximo periodo di gobierno di 2009 pa 2013. Esaki
lo ta motibo pa nan sigui cu nan sistema bieu di no preocupa realmente
cu un maneho social structura. Pesey, nos mester di bo apoyo masiva-
mente den e eleccion di dia 25 di September proximo. PPA su TEAM di
politico y profesionalnan, ta PREPARA pa sirbi e INTERES GENERAL
di NOS pais y trese un cambio REAL, cu un autentico HUSTICIA
SOCIAL, cu ta forma parti di un vision pa un RUMBO SIGUR cu lo
aumenta BO bienestar personal.
ta pa boga al maximo pa e bienestar general di nos pueblo. E dos
partidonan tradicional tambe ta pretende cu nan ta hiba un maneho social.
Pero si mira bon e maneho social di tanto e partido BERDE como esun
GEEL tabata ad hoc durante e ultimo 15 aña. Nan preocupa-cion social
ta pa gana voto so durante tempo di eleccion. Cu esaki ta asina mi por
demostra cu ocho punto cu PPA ta indica den su plan di MANHO
SOCIAL. E asunto aki ta di tal indole cu mientras e instrumentonan cu mi
ta bay señala ta ausente, no POR EXISTI un bon maneho social na
Aruba. Mi conclusion ta pesey cu AVP y MEP, NO TIN, of talbes hasta,
NO KIER TIN, e base necesario pa por hiba un maneho social structura.
Cu PPA den gobierno nos esfuerso lo ta pa mehora e situacion aki
drasticamente:
1.Te ainda NO ta usa e instrumento di un Social Budget! I.L.O. a calcula
y presenta Aruba su social budget den e rappoprt di mei 2005, pero
gobierno no a hasi caso ni uso di esaki y no a sigui elabora riba dje! Den
un Social Budget, bo ta mira tur e gastonan social di Aruba, total y pa
area. Bo por sigui e tendencia di tur gasto segun su categoria, bo ta wak
unda tin mas deficit y/of cua gasto ta creciendo di mas, bay for di man,
etc. Un ‘totaal overzicht’/’bista total’ asina ta crucial y ta e promer paso
pa hiba un bon maneho social y tene su gastonan bao control den
cualquier pais. E ta un rapport cu tur pais ta suppose di produci. Pakiko
ARUBA NO?
2.
Ta gaba cu e GDP y e GDP per capita, pero loke ta hopi mas importante
ta e “GINI COEFFICIENT”. E ultimo indicador aki ta duna e midi pa e
distribucion di ingreso den un pais. Gobierno ta suppose di publica e
indicador aki regularmente y fiha su maneho pa mehore! Pero, nunca bo
ta tende nada di e indicador aki na Aruba!
3.
No ta existi un metodo oficial pa midi y monitorea e grado di solida-
ridad den nos systema di Seguridad Social. Hustamente pasobra e
concepto di solidaridad ta asina importante pa e systema Social
Nacional, no por permiti pa use abusivamente. Ta posibel pa desaroya
un serie di indicador di solidaridad, pero gobierno nunca a duna esaki
atencion.
4.
No tin un definicion di pobresa pa Aruba. Pesey, ningun hende sa cuanto
hende pober tin realmente, ni mucho menos por traha un maneho
efectivo pa yuda e categoria aki!
5.
CBS ta calcula un “BESTAANSMINIMUM”, pero nunca tabata tin un
verificacion di con real e cifra aki ta! Ora, bo studia e compontentenan di
e calculo aki, bo ta wak mes ora cu cierto cos no ta cuadra cu nos
realidad.
6.
E calculo di e Salario Promedio Nacional ta semper atrasa pa por lo
menos un cuater pa cinco aña y NO ta haña ningun atencion! De hecho,
tur aña tin problema pa sa ta cua ta e ‘totale loonsom/total di salario ’ y e
‘verzekerde loonsom’/’suma di salario segura’ di AZV y SVb. Tambe tin
problema pa sa cuanto trahador tin na Aruba. CBS, CBA y Directie
Arbeid, cada un ta duna cifranan diferente. Pa motibo di falta di e dos
variabelnan antes menciona (totale loonsom y aantal werknemers), no
por calcula na tempo e ‘Gemiddeld loon/salario promedio’. Esaki tin
como consecuencia cu NO por fiha un bon premie pa AZV y AOV, NO
por determina tampoco un bon “Minimumloon/salario minimo”, ni e nivel
di e Pensioen di AOV y Bijstand.
7.
No ta existi un maneho di salario minimo cu ta tene cuenta cu e
Crecemento Real di e economia (Hulanda por ehempel tin esaki cuarenta
aña caba, inclusive un ley cu ta fiha con e proceso mester wordo hiba!).
Como consecuencia e gap/buraco entre rico y pober, o sea, e pobresa
relativo, ta aumenta dia pa dia! Awor, e gobierno cu tin miedo di hisa e
salario minimo un tiki mas cu e CPI (coreccion pa inflacion so, cu ta
pretende mantenshon di e valor di compra di e sueldo (waardevastheid),
pero no un progreso real, welvaartsvastheid) ta demonstra con mal
economista y gobernante nan ta. Tur e asunto aki por wordo bon maneha
si tin un bon politica pa hisa productividad. Subi productiviad no kier
meen cu tur hende mester traha mas y mas. E kier meen mas bien cu
mester bay traha mas inteligentemente.
8.
Interes cu pueblo ta paga pa fianza pa construccion di cas ‘social’ na
Aruba ta mucho halto. Gobierno ta dispone di un Volkskredietbank, pero
NO ta hasi nada efectivo cu ne!
Awor, tur dos partido tradicional, ta pretende cu nan kier goberna Aruba
NAN SO durante e proximo periodo di gobierno di 2009 pa 2013. Esaki
lo ta motibo pa nan sigui cu nan sistema bieu di no preocupa realmente
cu un maneho social structura. Pesey, nos mester di bo apoyo masiva-
mente den e eleccion di dia 25 di September proximo. PPA su TEAM di
politico y profesionalnan, ta PREPARA pa sirbi e INTERES GENERAL
di NOS pais y trese un cambio REAL, cu un autentico HUSTICIA
SOCIAL, cu ta forma parti di un vision pa un RUMBO SIGUR cu lo
aumenta BO bienestar personal.