| Un 'EIGEN BIJDRAGE' pa AZV? |
Ultimamente prensa a publica varios articulo relaciona cu e intencion
pa introduci un ‘Eigen Bijdrage’, o sea, un contribucion propio, adicional
na e prima di AZV. Tal interes pa e tema no ta di straña, pasobra hopi
hende ta considera e medida aki inhusto y dificil pa cumpli cu ne, na
momento cu e salarionan no ta subi proporcionalmente cu e gastonan
di bida. Di mi banda mi ta desea pa añadi cierto informacion rond di e
tema, di manera cu nan por wordo considera na momento di forma un
opinion of decision riba e ‘eigen bijdrage’ menciona.
Na promer lugar ta bon pa considera cu tur medaya tin dos cara. Asina
tambe e posibel introduccion di un ‘eigen bijdrage’ pa AZV. E parti
positivo lo ta cu un medida asina lo por yuda controla exceso den e
consumo di servicio medico di parti di e asegurado, pero tambe di
banda di e proveedor di e servicio medico. Sinembargo, akinan mes e
problemanan ta cuminsa. Pa tuma un decision di controla e consumo di
servicio medico di AZV, lo mester tin un estudio of indicacion funda
riba con hopi e exceso di tal consumo ta. Pero, tal estudio NO TA
EXISTI, di manera cu na e momento aki no por tuma un decision
hustifica riba e topico aki. Tur loke por bisa ta cu entre 2001 y 2007 e
gasto di e dokternan di cas a representa 6% di e total di gastonan di
AZV. Aparte cu obviamente esaki no ta representa e problema di gasto
mas grandi cu AZV ta confrontando, e no ta permiti saca ningun
conclusion tocante un posibel mal uso di e systema door di e
asegurado. Ta asina cu e gasto aki no ta relaciona cu e cantidad di
promer bishita cu un asegurado ta hasi na su dokter di cas. Ademas,
nos no mag lubida cu AZV ta un seguro social, loke ta trese cu ne, cu
tur persona cu mester wordo considera financieramente debil, lo no por
wordo perhudica cu e introduccion di un ‘contribucion propio’. Den e
categoria aki ta cai por ehempel tur mucha bou di 16 aña, enfermonan
cronico di poco recurso, mucha muher menor di edad den estado di
embarazo, personanan cu ta ricibi bijstand of cu ta handicap,
pensionadonan (nan ta paga mas cu tur otro persona caba y hopi ta
depende solamente di nan entrada di AOV), y tur hogar cu ta cai bou e
ingreso familiar minimo cu CBS ta stipula. Lamentablemente, no ta cla
ainda den ki forma of grado por hasi excepcion of duna compensacion
na e gruponan antes indica. Esaki ta straño pasobra tempo di PPK, y
tambe tur ley di asistencia social na Aruba, ta tene cuenta cu e ingreso
familiar di un persona necesita. Por bisa ademas, cu empleadonan
publico conose caba un ‘eigen bijdrage’ di 10% den nan seguro medico
adicional. Pero, hustamente aki tin e ehempel cu ta tuma na cuenta pa
laga un grupo di persona cu tin ingreso contribui den e gasto cu nan ta
genera y no esun co no tin (suficiente) entrada.
E asunto di e ‘eigen bijdrage’ ta complica mas ainda ora nos realisa cu
tanto e gasto relaciona cu e cuido medico, como e gasto di
administracion di AZV, ta mucho halto. Si nos considera cu tin
experiencia den exterior, caminda un seguro similar na esun di AZV, ta
wordo financia cu un prima total di 14%, e ora ey ta significa cu pa aña
2008, por existi un exeso di gasto na balor di Afl 64 miyon den AZV.
Como consecuencia, si introduci sin mas un ‘contribucion propio’ pa e
asegurado, e ora lo scohe de facto pa keda financia ineficiencia y mal
maneho den e seguro medico publico aki. Pa termina, mi kier recorda
cu un bon practica di maneho ta siña cu e mihor manera pa resolve un
problema ta elimina e causa cu ta ocasione. Den e caso di AZV esey
kier meen, entre otro, baha gasto door di crea un administracion mas
eficiente y un bon control riba tur e sector cu ta provee e cuido medico.
Si despues di un saneamento formal di AZV, resulta cu ainda ta keda
necesidad of espacio pa mas eficiencia den e systema, e ora lo por
considera como ultimo cos un ‘eigen bijdrage’. Pero, aki lo mester tin
un bon estudio, manera mi a señala caba, cu ta sostene e decision.
Ademas, lo mester tene cuenta cu e caracter social di tal medida y
dispone di un bon systema di control administrativo. Ta bon pa
considera ademas, cu na Hulanda tabata existi un eigen bijdrage,
tempo di nan ‘ziekenfonds’, den forma di e famoso ‘knaak’, pero cu
esaki finalmente a wordo elimina atrobe.
pa introduci un ‘Eigen Bijdrage’, o sea, un contribucion propio, adicional
na e prima di AZV. Tal interes pa e tema no ta di straña, pasobra hopi
hende ta considera e medida aki inhusto y dificil pa cumpli cu ne, na
momento cu e salarionan no ta subi proporcionalmente cu e gastonan
di bida. Di mi banda mi ta desea pa añadi cierto informacion rond di e
tema, di manera cu nan por wordo considera na momento di forma un
opinion of decision riba e ‘eigen bijdrage’ menciona.
Na promer lugar ta bon pa considera cu tur medaya tin dos cara. Asina
tambe e posibel introduccion di un ‘eigen bijdrage’ pa AZV. E parti
positivo lo ta cu un medida asina lo por yuda controla exceso den e
consumo di servicio medico di parti di e asegurado, pero tambe di
banda di e proveedor di e servicio medico. Sinembargo, akinan mes e
problemanan ta cuminsa. Pa tuma un decision di controla e consumo di
servicio medico di AZV, lo mester tin un estudio of indicacion funda
riba con hopi e exceso di tal consumo ta. Pero, tal estudio NO TA
EXISTI, di manera cu na e momento aki no por tuma un decision
hustifica riba e topico aki. Tur loke por bisa ta cu entre 2001 y 2007 e
gasto di e dokternan di cas a representa 6% di e total di gastonan di
AZV. Aparte cu obviamente esaki no ta representa e problema di gasto
mas grandi cu AZV ta confrontando, e no ta permiti saca ningun
conclusion tocante un posibel mal uso di e systema door di e
asegurado. Ta asina cu e gasto aki no ta relaciona cu e cantidad di
promer bishita cu un asegurado ta hasi na su dokter di cas. Ademas,
nos no mag lubida cu AZV ta un seguro social, loke ta trese cu ne, cu
tur persona cu mester wordo considera financieramente debil, lo no por
wordo perhudica cu e introduccion di un ‘contribucion propio’. Den e
categoria aki ta cai por ehempel tur mucha bou di 16 aña, enfermonan
cronico di poco recurso, mucha muher menor di edad den estado di
embarazo, personanan cu ta ricibi bijstand of cu ta handicap,
pensionadonan (nan ta paga mas cu tur otro persona caba y hopi ta
depende solamente di nan entrada di AOV), y tur hogar cu ta cai bou e
ingreso familiar minimo cu CBS ta stipula. Lamentablemente, no ta cla
ainda den ki forma of grado por hasi excepcion of duna compensacion
na e gruponan antes indica. Esaki ta straño pasobra tempo di PPK, y
tambe tur ley di asistencia social na Aruba, ta tene cuenta cu e ingreso
familiar di un persona necesita. Por bisa ademas, cu empleadonan
publico conose caba un ‘eigen bijdrage’ di 10% den nan seguro medico
adicional. Pero, hustamente aki tin e ehempel cu ta tuma na cuenta pa
laga un grupo di persona cu tin ingreso contribui den e gasto cu nan ta
genera y no esun co no tin (suficiente) entrada.
E asunto di e ‘eigen bijdrage’ ta complica mas ainda ora nos realisa cu
tanto e gasto relaciona cu e cuido medico, como e gasto di
administracion di AZV, ta mucho halto. Si nos considera cu tin
experiencia den exterior, caminda un seguro similar na esun di AZV, ta
wordo financia cu un prima total di 14%, e ora ey ta significa cu pa aña
2008, por existi un exeso di gasto na balor di Afl 64 miyon den AZV.
Como consecuencia, si introduci sin mas un ‘contribucion propio’ pa e
asegurado, e ora lo scohe de facto pa keda financia ineficiencia y mal
maneho den e seguro medico publico aki. Pa termina, mi kier recorda
cu un bon practica di maneho ta siña cu e mihor manera pa resolve un
problema ta elimina e causa cu ta ocasione. Den e caso di AZV esey
kier meen, entre otro, baha gasto door di crea un administracion mas
eficiente y un bon control riba tur e sector cu ta provee e cuido medico.
Si despues di un saneamento formal di AZV, resulta cu ainda ta keda
necesidad of espacio pa mas eficiencia den e systema, e ora lo por
considera como ultimo cos un ‘eigen bijdrage’. Pero, aki lo mester tin
un bon estudio, manera mi a señala caba, cu ta sostene e decision.
Ademas, lo mester tene cuenta cu e caracter social di tal medida y
dispone di un bon systema di control administrativo. Ta bon pa
considera ademas, cu na Hulanda tabata existi un eigen bijdrage,
tempo di nan ‘ziekenfonds’, den forma di e famoso ‘knaak’, pero cu
esaki finalmente a wordo elimina atrobe.