The Law of Diminishing Return |
Durante e ultimo siman di luna di april 2009, por a lesa riba ‘The law of
diminishing return’ varios biaha den nos prensa local. Mas exactamente
un corant a hasi un sondeo, caminda lidernan politico a duna nan opinion
riba e topico aki relaciona cu nos sector turistico. Loke a yama atencion,
ta cu e opinionnan ta dividi. Tabata tin partido politico cu ta opina cu e tal
‘ley di ganashi menguante’ tin vigencia caba na Aruba, mientras cu
otronan ta pensa cu esaki no ta e caso ainda. En bista di e opinionan
divergente, kiko ta e berdad? Pa haña un contesta riba e pregunta aki mi
a examina tal asunto mas en detaye. A resulta de paso cu mi examen a
complementa mi articulonan anterior cu a elabora riba e topico di nos
productividad laboral. Den e articulo aki mi ta presenta e resultado di mi
analysis breve riba e ley ariba indica.Tecnicamente e ‘law of diminishing
return’ ta sostene cu ora agrega den produccion un unit aditional como
input, esaki lo produci, manteniendo tur otro factor fiho, un unit aditional
di output, te na un punto maximo, despues di cua, e output aditional lo
disminui cu cada unit aditional di input. Den practica, e ley di ganashi
menguante ta mustra cu un empresa no por logra un aumento di su
ganashi continuamente, door di sigui inverti mas y mas despues di cierto
punto. Ta existi un punto optimo di inversion, despues di cua e ganashi lo
mengua aunke inverti mas capital den e negoshi. Hopi biaha esaki ta
sosode ora e mercado satura y pesey no ta absorba mas output a pesar
di mas capacidad di produccion of capacidad pa duna servicio. Awor, ta
hopi interesante pa conoce e estudio den cua a keda comproba cu den
Aruba su sector turistico caminda mester inclui tur negoshi relaciona cu e
sector aki, e ley menciona ta operando, indicando di e manera aki cu lo ta
existi un saturacion di mercado of maneho ineficiente di e sector. Ta
asina cu pa realisa tal estudio, mester conoce tur ganashi di e empresa-
nan cu ta obheto di estudio. Di e manera aki por evalua e desaroyo di
nan indice ROI (Return on Investment) cu ta e indice cu ta mustra e
desaroyo di e ganashi cu e inversionnan ta produci. Pero, aki tin e
problema cu e situacion financiero di nos sector turistico den termino di
nan ingreso, costo y gasto no ta conoci publicamente. Sinembargo, e
aspecto di ingreso di e sector hotelero, caminda mi ta referi na e
hotelnan so, por ser evalua di un manera indirecto y global door di
considera variabelnan manera e aumento di cantidad di camber, e prijs
promedio pa camber y e grado di ocupacion. Esaki ta loke mi a hasi,
hañando e siguiente resultado. Durante aña 2000 te cu 2008, e cantidad
di camber di hotel na Aruba, incluyendo time share, a aumenta cu 10%. E
occupancy rate (OR) promedio pa henter aña, a mantene su mes rond di
76,7% cu un variacion di ± 5%. Durante e mesun añanan, e prijs
promedio pa camber a aumenta di US $ 128.71 te cu US $ 182.5. Esaki
ta un aumento di 41,8% den ocho aña, o sea, un promedio anual di 5,2%.
En bista cu di aña 2000 te cu 2008, e inflacion (CPI) tabata promedio
4,1%, por conclui cu e sector hotelero a crece durante e periodo bou
revision, di un manera ekilibra. Pesey, ta straño cu bou circumstancianan
asina, e ley di ganashi menguante por a cuminsa manifesta su mes riba e
tereno di nos hotelnan. Aunque claro, falta pa conoce e desaroyo di
gasto. Aki tur loke por bisa ta cu nos sa cu e industria di hotel a usa un
estrategia di reemplaza trahado local pa trahado stranhero. Esaki, nan a
hasi pa baha nan nivel absoluto di costo salarial. No confundi e hecho aki
cu e observacion den mi articulo anterior cu den Aruba su GDP e porcion
relativo di salarionan a subi, pasobra ambos conclusion no ta exclui otro.
Ta keda e introduccion di BBO, cu logicamente a hisa varios gasto di e
hotelnan, di manera cu e ganashi den e sector di hotel por a mengua.
Sinembargo, den tal caso esaki especifica-mente NO TA REFERI NA E
LEY DI GANASHI MENGUANTE. Ta generalmente conoci cu na Aruba,
e hotelnan, te awe, no a paga impuesto riba nan ganashi (winstbelasting),
pasobra tur ta gozando ainda di un tax holiday. E introduccion di e BBO e
ora ey ta hasi cu e hotelnan a cuminsa contribui di otro manera cu un
belasting cu nan lo mester paga na hopi parti di mundo. En todo caso e
observacion cu e ganashi den e sector di hotelnan tin motibo pa a baha,
ta riba e mesun linea cu mi ponencia hasi den mi articulo anterior cu e
disminucion di Aruba su Productividad Laboral ta corresponde cu un
probabel bahamento general di ganashi den nos sector priva, caminda
los di e hotelnan, si por bien ta cu e ley di ganashi menguante ta den
funcion. Pero, esaki ta debi mas bien na un maneho economico dema-
siado liberal cu ta hasi cu e mesun bolo mester wordo parti entre mas y
mas negoshi. Pa finalisa mi mester recorda cu mi analysis NO a inclui e
situacion cu e crisis economico internacional ta causando den e promer
semester di 2009.
diminishing return’ varios biaha den nos prensa local. Mas exactamente
un corant a hasi un sondeo, caminda lidernan politico a duna nan opinion
riba e topico aki relaciona cu nos sector turistico. Loke a yama atencion,
ta cu e opinionnan ta dividi. Tabata tin partido politico cu ta opina cu e tal
‘ley di ganashi menguante’ tin vigencia caba na Aruba, mientras cu
otronan ta pensa cu esaki no ta e caso ainda. En bista di e opinionan
divergente, kiko ta e berdad? Pa haña un contesta riba e pregunta aki mi
a examina tal asunto mas en detaye. A resulta de paso cu mi examen a
complementa mi articulonan anterior cu a elabora riba e topico di nos
productividad laboral. Den e articulo aki mi ta presenta e resultado di mi
analysis breve riba e ley ariba indica.Tecnicamente e ‘law of diminishing
return’ ta sostene cu ora agrega den produccion un unit aditional como
input, esaki lo produci, manteniendo tur otro factor fiho, un unit aditional
di output, te na un punto maximo, despues di cua, e output aditional lo
disminui cu cada unit aditional di input. Den practica, e ley di ganashi
menguante ta mustra cu un empresa no por logra un aumento di su
ganashi continuamente, door di sigui inverti mas y mas despues di cierto
punto. Ta existi un punto optimo di inversion, despues di cua e ganashi lo
mengua aunke inverti mas capital den e negoshi. Hopi biaha esaki ta
sosode ora e mercado satura y pesey no ta absorba mas output a pesar
di mas capacidad di produccion of capacidad pa duna servicio. Awor, ta
hopi interesante pa conoce e estudio den cua a keda comproba cu den
Aruba su sector turistico caminda mester inclui tur negoshi relaciona cu e
sector aki, e ley menciona ta operando, indicando di e manera aki cu lo ta
existi un saturacion di mercado of maneho ineficiente di e sector. Ta
asina cu pa realisa tal estudio, mester conoce tur ganashi di e empresa-
nan cu ta obheto di estudio. Di e manera aki por evalua e desaroyo di
nan indice ROI (Return on Investment) cu ta e indice cu ta mustra e
desaroyo di e ganashi cu e inversionnan ta produci. Pero, aki tin e
problema cu e situacion financiero di nos sector turistico den termino di
nan ingreso, costo y gasto no ta conoci publicamente. Sinembargo, e
aspecto di ingreso di e sector hotelero, caminda mi ta referi na e
hotelnan so, por ser evalua di un manera indirecto y global door di
considera variabelnan manera e aumento di cantidad di camber, e prijs
promedio pa camber y e grado di ocupacion. Esaki ta loke mi a hasi,
hañando e siguiente resultado. Durante aña 2000 te cu 2008, e cantidad
di camber di hotel na Aruba, incluyendo time share, a aumenta cu 10%. E
occupancy rate (OR) promedio pa henter aña, a mantene su mes rond di
76,7% cu un variacion di ± 5%. Durante e mesun añanan, e prijs
promedio pa camber a aumenta di US $ 128.71 te cu US $ 182.5. Esaki
ta un aumento di 41,8% den ocho aña, o sea, un promedio anual di 5,2%.
En bista cu di aña 2000 te cu 2008, e inflacion (CPI) tabata promedio
4,1%, por conclui cu e sector hotelero a crece durante e periodo bou
revision, di un manera ekilibra. Pesey, ta straño cu bou circumstancianan
asina, e ley di ganashi menguante por a cuminsa manifesta su mes riba e
tereno di nos hotelnan. Aunque claro, falta pa conoce e desaroyo di
gasto. Aki tur loke por bisa ta cu nos sa cu e industria di hotel a usa un
estrategia di reemplaza trahado local pa trahado stranhero. Esaki, nan a
hasi pa baha nan nivel absoluto di costo salarial. No confundi e hecho aki
cu e observacion den mi articulo anterior cu den Aruba su GDP e porcion
relativo di salarionan a subi, pasobra ambos conclusion no ta exclui otro.
Ta keda e introduccion di BBO, cu logicamente a hisa varios gasto di e
hotelnan, di manera cu e ganashi den e sector di hotel por a mengua.
Sinembargo, den tal caso esaki especifica-mente NO TA REFERI NA E
LEY DI GANASHI MENGUANTE. Ta generalmente conoci cu na Aruba,
e hotelnan, te awe, no a paga impuesto riba nan ganashi (winstbelasting),
pasobra tur ta gozando ainda di un tax holiday. E introduccion di e BBO e
ora ey ta hasi cu e hotelnan a cuminsa contribui di otro manera cu un
belasting cu nan lo mester paga na hopi parti di mundo. En todo caso e
observacion cu e ganashi den e sector di hotelnan tin motibo pa a baha,
ta riba e mesun linea cu mi ponencia hasi den mi articulo anterior cu e
disminucion di Aruba su Productividad Laboral ta corresponde cu un
probabel bahamento general di ganashi den nos sector priva, caminda
los di e hotelnan, si por bien ta cu e ley di ganashi menguante ta den
funcion. Pero, esaki ta debi mas bien na un maneho economico dema-
siado liberal cu ta hasi cu e mesun bolo mester wordo parti entre mas y
mas negoshi. Pa finalisa mi mester recorda cu mi analysis NO a inclui e
situacion cu e crisis economico internacional ta causando den e promer
semester di 2009.