Maneho pa e Area Social |
Maneho Social /solidaridad di PPA
“E HUERFANO DI MEP/AVP
LO RICIBI ATENCION FORMAL DI P.P.A. !”
Vision:
Realisa un comunidad, unda nos hendenan ta sintinan mes feliz y ta biba
den harmonia cu otro y ta respeta otro, saliendo for di e derechonan di
cada persona cu un trato husto y igual pa tur hende sin distincion di rasa,
sexo, religion of nacionalidad.
Mision:
Brinda y sostene e hende lo maximo posibel, p’asina e tin su balor propio
y por desaroya su mes optimalmente segun su potencial, di manera cu e
por ta un persona feliz, satisfecho, util, productivo pa su mes, pa su famia
y pa su pais. Percura pa e promer necesidadnan di e ser humano ta igual
y accesibel pa tur hende segun e derechonan fundamental den e
Declaracion di Derechonan Universal di hende.
Participacion civico/Plataforma Nacional:
PPA ta di opinion cu e “participacion civico” basa riba un ley di plataforma
nacional mester ensera cu e ser humano y tur gremio/instancia mester
wordo trata pa gobierno como ‘suheto y no como obheto. Lo mester
scucha e problemanan di tur ciudadano atentamente y oportunamente y
duna solucion efectivo pa nan a corto plazo. Como parti di e Plataforma
Nacional lo establece, entre otro, un comision permanente riba e tereno di
productividad laboral cu PPA ta considera algo vital pa un desaroyo
duradero di pais Aruba y asina fortalece e base pa e ehecion di PPA su
programa di maneho social. Lo enfoca riba con organisa trabou mas
eficientemente, diversifica economia, hiba un politica di turismo
cualitativo en bez di kwantitativo, crea trabao cu un valor agrega mas
halto, inverti mas den educacion pa hisa e nivel di profesionalismo na
Aruba y last but not least, no permiti cu gobierno su aparato
administrativo ta mas grandi di lo necesario. Aki un bon maneho di
personal cu un bon administracion en general (sin patronahe y politica di
amigismo) cu su respectivo maneho salarial, ta e solucion.
ARUBA NO CONOCE UN MANEHO SOCIAL REAL ainda!
Aruba te awe NO a conoce un maneho social basa riba concepto y/of
instrumentonan internacional. Por yama e maneho social ad hoc na
Aruba e ‘huerfano’ di MEP y AVP.
PPA lo duna algun ehempel prome cu PPA publica su propio maneho:
Instrumentonan/conceptonan cu falta:
1. Te ainda no ta usa e instrumento di un Social Budget ! I.L.O. a
calcula y presenta Aruba su social budget den e rappoprt di mei 2005,
pero gobierno no a hasi caso ni uso di esaki y no a sigui elabora riba dje!
Den un Social Budget, bo ta mira tur e gastonan social di Aruba – total, y
pa area. Bo por sigui e tendencia di tur gasto segun su categoria, bo ta
wak unda tin mas deficit y/of cua gasto ta creciendo di mas, bay for di
man, etc.
Un ‘totaal overzicht’/’bista total’ asina ta crucial y ta e promer paso pa
hiba un bon maneho social y tene su gastonan bao control den cualquier
pais. E ta un rapport cu tur pais ta suppose di produci. Pakiko ARUBA
NO?
2. Ta gaba cu e GDP y e GDP per capita, pero loke ta hopi mas
importante ta e “GINI COEFFICIENT”. E ultimo indicador aki ta duna e
midi pa e distribucion di ingreso den un pais. Gobierno ta suppose di
publica e indicador aki regularmente y fiha su maneho pa mehore! Pero,
nunca bo ta tende nada di e indicador aki na Aruba!
3. No ta existi un metodo oficial pa midi y monitorea e grado di
solidaridad den nos systema di Seguridad Social. Hustamente pasobra e
concepto di solidaridad ta asina importante pa e systema Social
Nacional, no por permiti pa use abusivamente. Ta posibel pa desaroya un
serie di indicador di solidaridad, pero gobierno nunca a duna esaki
atencion.
4. No tin un definicion di pobresa pa Aruba. Pesey, ningun hende sa
cuanto hende pober tin realmente, ni mucho menos por traha un maneho
efectivo pa yuda e categoria aki !
5. CBS ta calcula un “BESTAANSMINIMUM”, pero nunca tabata tin un
verificacion di con real e cifra aki ta! Ora, bo studia e compontente-nan di
e calculo aki bo ta wak mes ora cu cierto cos no ta cuadra cu nos realidad.
6. E calculo di e Salario Promedio Nacional ta semper atrasa pa por lo
menos un cuater pa cinco aña y NO ta dune ningun atencion! De hecho
tur aña tin problema pa sa ta cua ta e ‘totale loonsom/total di salario ’ y e
‘verzekerde loonsom’/’suma di salario segura’ di AZV y SVb. Tambe tin
problema pa sa cuanto trahador tin na Aruba. CBS, CBA y Directie
Arbeid cada un ta duna cifranan diferente. Pa motibo di falta di e dos
variabelnan antes menciona (totale loonsom y aantal werknemers), no por
calcula na tempo e ‘Gemiddeld loon/salario promedio’. Esaki tin como
consecuencia cu NO por fiha un bon premie pa AZV y AOV, NO por
determina tampoco un bon “Minimumloon/salario minimo”, ni e nivel di e
Pensioen di AOV y Bijstand.
7. No ta existi un maneho di salario minimo cu ta tene cuenta cu e
Crecimento Real di e economia (Hulanda por ehempel tin esaki cuarenta
aña caba, inclusive un ley cu ta fiha con e proceso mester wordo hiba!).
Como consecuencia e gap/buraco entre rico y pober, o sea, e pobresa
relativo, ta aumenta dia pa dia! Awor, e gobierno cu tin miedo di hisa e
salario minimo un tiki mas cu e CPI (coreccion pa inflacion so, cu ta
pretende mantenshon di e valor di compra di e sueldo – waardevastheid –
, pero no un progreso real, wel-vaartsvastheid) ta demonstra con mal
economista nan ta. Tur e asunto aki por wordo bon maneha si tin un bon
politica pa hisa productividad. Subi productiviad no kier meen cu tur
hende mester traha mas y mas. E kier meen mas bien cu mester bay
traha mas inteligentemente.
8. Interes cu pueblo ta paga pa fianza pa construccion di cas ‘social’
na Aruba ta mucho halto. Gobierno ta dispone di un Volkskredietbank,
pero NO ta hasi nada efectivo cu ne!
Otro puntonan importante cu PPA lo coregi y cu e gobiernonan di
MEP y AVP a neglicia ta:
9. NO a inverti – manera a bisa caba – suficiente den educacion.
10. No a resolve – den ocho aña – e problemanan di AZV y AOV.
11. No a inverti suficiente den mantelzorg. Ni tampoco den cas di
cuido pa nos grandinan.
12. No a sa di deal/atende efectivamente cu e problematica di
Choller. Ni un estudio a laga hasi riba e tereno aki durante dos
periodo di gobernacion.
13. No tin atencion adecuado pa problemanan di Hubentud, Famiya y
Gangs.
14. Por ultimo. No tin un cooperacion – team work – entre e
Ministernan di Economia, Asuntonan Social y Educacion,
Salubridad Publico y Labor. Sin esaki, no por tin un bon maneho
social na Aruba. E area social ta hopi grandi y NO ta trabao di un
minister so!
Maneho di PPA:
Restructuracion di Ministerio di Asuntonan Social y tarea:
- Den cuadra di e reorganisacion di e Ministerionan, PPA ta propone un
‘Ministerio di Bienestar Social, Famia, Hubentud, Salubridad Publico y
Seguridad Social’.
- Esaki cu e meta di hiba un maneho cu ta tene cuenta cu e problematica
di Famia riba nos isla y e problematica di Hubentud;
- Lo inventerisa, hunto cu e habitantenan, e necesidad, deseo y
preocupacion di tur districto y laganan indica e puntonan riba e tereno
social pa cada districto y analisa e desaroyo pa districto.
- Lo desaroya un Plan di Maneho Integral di Desaroyo Social, incluyendo
e puntonan di prioridad indica pa cada districto.
Edificio Nobo pa Departamento Social:
- Lo concentra tur e seccionnan di e tereno social cu ta cay bao di
Departamento di Asuntonan Social, incluyendo e Ministerio di Asuntonan
Social, den un solo edificio moderno y accesibel pa publico. Si mester
construi un Edificio nobo, PPA lo hasi esaki.
Conferencia Nacional:
- Lo organisa anualmente un Conferencia Nacional riba e tereno social,
caminda ta evalua e desaroyo social, raporta datonan reciente, hasi
analisis di e situacion actual, saca conclusion y formula un maneho social.
Anualmente ta duna recomendacion pa adaptacion y cambionan di e
Maneho Social cu participacion di tur sector den nos comunidad.
Plataforma Nacional:
- Den cuadra di e ‘participacion civico’ cu PPA ta kere aden, lo crea un
Plataforma di Organisacion No-Gubernamental (ONG/Boluntarionan) y
organisacionan Gobernamentel, legalmente structura, cu participacion
structural pa cu e desaroyo social.
Implementacion di un Maneho Social Efectivo:
- Lo duna contenido na un Social Budget !
- Lo ‘zorg’ pa e GINI COEFFICIENT wordo publica anualmente.
- Lo introduci un ‘metodo official a base di indicadornan’ cu cual ta midi
y monitorea e grado di solidaridad den nos systema di Seguridad
Social.
- Lo zorg pa bini cu un definicion di pobresa pa Aruba.
- Lo zorg cu ora cu CBS publica un Bestaansminimum cu esaki ta
correcto (via cooperacion cu e ministerio envolvi).
- Lo zorg cu e calculo di Salario Promedio Nacional ta up to date, esaki
tambe via e coordinacion debido cu e ministerionan concerni.
- Lo introduci un maneho di salario minimo cu ta tene cuenta cu e
Crecimento Real di nos Economia.
- Lo zorg pa tur aña un 250 cas social wordo construi.
- Lo usa Volkskredietbank mas efficientemente den e area social y pone
fianzanan disponibel na ‘interes’ mas abao.
- Lo inverti 6.5% di e entrada nacional di Aruba (GDP) den Enseñansa.
Bao di AVP y MEP esaki tabata un averahe di 4.2%.
- Lo resolve e problematica di tanto AZV como AOV di un manera
duradero, teniendo na cuenta e interes general.
- Lo inverti den ‘mantelzorg’ y tambe den cas di cuido pa anciano.
- Lo atende e problematica di choller efectivamente a corto plazo.
HUBENTUD Y ‘GANGS’
- Lo tene cuenta debidamente cu e problemanan di famiya, hubentud y
gangs.
Cooperacion estrecho entre Ministerionan:
- PPA su maneho riba tereno di gobernacion lo percura pa tin un
cooperacion estrecho entre Ministronan di Economia, Asuntonan Social,
Educacion, Salubridad Publico y Labor.
Sosten pa Organisacionnan No-Gobernamental:
- Sostene e organisacionnan no-gubernamental cu nan relatonan
financiero y presupuesto(nan) etc. door di pone un persona professional
na disposicion di e organisacionan aki.
- Implementa e ley di Kinderopvang.
- Lo evalua e crechenan /speelschooltje, e tarea di Trai Merdia y di
Fundacion Desaroyo Educativo Comunitario y larga e Ministerionan cu ta
traha riba nan tereno keda encarga cu e instancianan aki. Actualmente
crechenan ta cay bao di Ministerio di Asuntonan Social, Trai merdia ta
cay bao di Ministerio di Enseñansa y Fundacion Desaroyo Educativo
Comunitario ta cay bao di Ministerio di Cultura.
CASNAN PA NOS GRANDINAN ... !
- Lo carga responsabilidad, controla y guia e construccion di un Cas pa
nos Grandinan na San Nicolas, cu ta ejecucion di e mocion di PPA di
fecha 20 di april 2004 ( E derecho riba privacidad).
- Lo construi un centro pa nos grandinan den e districto di Noord/tanki
Leendert y un den e districto di Santa Cruz, mescos cu e modelo di e cas
nobo pa nos grandinan na San Nicolas (conforme mocion di PPA aproba
unanimamente pa parlamento cu a bay pa ehecucion na Gobierno).
Aumento di onderstand:
- Lo aumenta bijstand cu 50%, pero na mes momento lo hasi lo maximo
posibel pa esnan cu por traha, realmente haya un trabao y duna
cobradonan di onderstand oportunidad di sigui studia p.e. door di “on the
job training”, pues “na pia di trabao”, financiamento pa sigui un estudio
p.e. pa mamanan soltero y cu subsidio pa kinderopvang.
Subsidio di Huur, gehandicapte uitkering etc:
- Sostene nos famianan cu salario minimo, cu un subsidio di huur segun
reglanan di antemano stipula.
- Optimalisa e ley pa personanan cu tin cu cobra un gehandicapte uitkering.
- Educa nos hendenan con pa usa awa y coriente mas conscientemente.
- Sostene Fundacion pa Nos Muchanan, p’asina por sigui sostene
mayornan pa cu educacion social y familiar di nos yuinan (0 te cu 12 aña);
- Introduci un forma di sosten pa mayornan cu yiunan di 13 aña p’ariba
door di e.o. amplia e meta y tarea di Fundacion pa nos Muchanan,
incluyendo hobennan di 13 aña p’ariba tambe den nan trabao.
PPA a declara guerra contra pobreza for di aña 2000 y den e cuadra
aki nos maneho lo ta:
- Implementa e conceptonan antes menciona cu Aruba no tin/falta,
pa por hiba un maneho social responsabel y profesional;
- Aumento di e sueldo minimo pa famianan por biba mas tranquil
(Afl. 1800,-- plus NAWI loke ta significa un idexering anual cu ta tene
cuenta cu e crecemento real di nos economia);
- Aumenta e onderestand/bijstand cu 50%;
- Educa, forma y sostene cobradornan di onderstand/bijstand pa
envolvinan den trabao boluntario den barionan, p’asina nan por keda den
e desaroyo social;
- Trece cambio den nos leynan di belasting pa por kita un porcentahe
for di gastonan di huur (15%) y cuido di mucha “crèche”(25%) cu lo wordo
deduci (rebaha) for di belasting cu e persona mester paga;
- PPA lo permiti un rebaho di belasting pa gasto di transporte basa
riba e distancia cu un trahador tin di core pa yega su trabao.
FCCA/ cas di pueblo:
- PPA lo construi 1000 cas di pueblo den un promedio di cuatro aña.
- PPA lo laga FCCA cumpra casnan riba mercado local y reserva nan pa
e uso di Arubianonan cu ta regresa for di exterior. Si ta necesario tambe
lo construi cas pa Arubiano cu regresa di exterior pa contribui na nos
economia y nos sector laboral.
Seguridad Social:
PPA lo hiba un maneho cu ta tene cuenta cu e puntonan menciona den
rapport di ILO (mei 2005). Naturalmente e puntonan aki mester di un
sosten amplio den comunidad. Y pa logra esaki PPA lo discuti contenido
di e rapport menciona cu nos gremionan;
*** Lo boga pa cambia uso di e sistema di indexer di CPI pa un sistema
basa riba e crecemento di e National Wage Index (NAWI);
*** Lo duna e trahador un salario minimo realistico Afl. 1800,-- pa luna,
combina cu e NAWI;
*** Lo hiba un maneho den cual lo garantisa e pensioen di AOV y
indexeer esaki, igual cu e minimumloon, conforme e NAWI, di manera cu
e pensioen di AOV lo progresa hunto cu e crecemento real di nos
economia;
*** Lo introduci na un manera responsabel un pensioen adicional,
teniendo cuenta cu e problematica di W.I.G.;
*** Lo reestructura AZV y hasie mas eficiente riba e tereno di control di
gasto di manera cu e seguro aki lo por ofrece un calidad di cuido
duradero cu ta pagabel pa e comunidad Arubano;
*** Lo studia e posibilidad di elimina, of por lo menos baha, e prima di
9,5% cu pensionadonan mester paga pasobra ley ta consideranan
eroneamente como “zelfstandige”. Tambe lo adapta e sliding scale
conforme e adaptacionnan cu a tuma lugar den e belasting (otro prueba
cu MEP y AVP no ta tene cuenta cu e mas debilnan den nos comunidad).
“E HUERFANO DI MEP/AVP
LO RICIBI ATENCION FORMAL DI P.P.A. !”
Vision:
Realisa un comunidad, unda nos hendenan ta sintinan mes feliz y ta biba
den harmonia cu otro y ta respeta otro, saliendo for di e derechonan di
cada persona cu un trato husto y igual pa tur hende sin distincion di rasa,
sexo, religion of nacionalidad.
Mision:
Brinda y sostene e hende lo maximo posibel, p’asina e tin su balor propio
y por desaroya su mes optimalmente segun su potencial, di manera cu e
por ta un persona feliz, satisfecho, util, productivo pa su mes, pa su famia
y pa su pais. Percura pa e promer necesidadnan di e ser humano ta igual
y accesibel pa tur hende segun e derechonan fundamental den e
Declaracion di Derechonan Universal di hende.
Participacion civico/Plataforma Nacional:
PPA ta di opinion cu e “participacion civico” basa riba un ley di plataforma
nacional mester ensera cu e ser humano y tur gremio/instancia mester
wordo trata pa gobierno como ‘suheto y no como obheto. Lo mester
scucha e problemanan di tur ciudadano atentamente y oportunamente y
duna solucion efectivo pa nan a corto plazo. Como parti di e Plataforma
Nacional lo establece, entre otro, un comision permanente riba e tereno di
productividad laboral cu PPA ta considera algo vital pa un desaroyo
duradero di pais Aruba y asina fortalece e base pa e ehecion di PPA su
programa di maneho social. Lo enfoca riba con organisa trabou mas
eficientemente, diversifica economia, hiba un politica di turismo
cualitativo en bez di kwantitativo, crea trabao cu un valor agrega mas
halto, inverti mas den educacion pa hisa e nivel di profesionalismo na
Aruba y last but not least, no permiti cu gobierno su aparato
administrativo ta mas grandi di lo necesario. Aki un bon maneho di
personal cu un bon administracion en general (sin patronahe y politica di
amigismo) cu su respectivo maneho salarial, ta e solucion.
ARUBA NO CONOCE UN MANEHO SOCIAL REAL ainda!
Aruba te awe NO a conoce un maneho social basa riba concepto y/of
instrumentonan internacional. Por yama e maneho social ad hoc na
Aruba e ‘huerfano’ di MEP y AVP.
PPA lo duna algun ehempel prome cu PPA publica su propio maneho:
Instrumentonan/conceptonan cu falta:
1. Te ainda no ta usa e instrumento di un Social Budget ! I.L.O. a
calcula y presenta Aruba su social budget den e rappoprt di mei 2005,
pero gobierno no a hasi caso ni uso di esaki y no a sigui elabora riba dje!
Den un Social Budget, bo ta mira tur e gastonan social di Aruba – total, y
pa area. Bo por sigui e tendencia di tur gasto segun su categoria, bo ta
wak unda tin mas deficit y/of cua gasto ta creciendo di mas, bay for di
man, etc.
Un ‘totaal overzicht’/’bista total’ asina ta crucial y ta e promer paso pa
hiba un bon maneho social y tene su gastonan bao control den cualquier
pais. E ta un rapport cu tur pais ta suppose di produci. Pakiko ARUBA
NO?
2. Ta gaba cu e GDP y e GDP per capita, pero loke ta hopi mas
importante ta e “GINI COEFFICIENT”. E ultimo indicador aki ta duna e
midi pa e distribucion di ingreso den un pais. Gobierno ta suppose di
publica e indicador aki regularmente y fiha su maneho pa mehore! Pero,
nunca bo ta tende nada di e indicador aki na Aruba!
3. No ta existi un metodo oficial pa midi y monitorea e grado di
solidaridad den nos systema di Seguridad Social. Hustamente pasobra e
concepto di solidaridad ta asina importante pa e systema Social
Nacional, no por permiti pa use abusivamente. Ta posibel pa desaroya un
serie di indicador di solidaridad, pero gobierno nunca a duna esaki
atencion.
4. No tin un definicion di pobresa pa Aruba. Pesey, ningun hende sa
cuanto hende pober tin realmente, ni mucho menos por traha un maneho
efectivo pa yuda e categoria aki !
5. CBS ta calcula un “BESTAANSMINIMUM”, pero nunca tabata tin un
verificacion di con real e cifra aki ta! Ora, bo studia e compontente-nan di
e calculo aki bo ta wak mes ora cu cierto cos no ta cuadra cu nos realidad.
6. E calculo di e Salario Promedio Nacional ta semper atrasa pa por lo
menos un cuater pa cinco aña y NO ta dune ningun atencion! De hecho
tur aña tin problema pa sa ta cua ta e ‘totale loonsom/total di salario ’ y e
‘verzekerde loonsom’/’suma di salario segura’ di AZV y SVb. Tambe tin
problema pa sa cuanto trahador tin na Aruba. CBS, CBA y Directie
Arbeid cada un ta duna cifranan diferente. Pa motibo di falta di e dos
variabelnan antes menciona (totale loonsom y aantal werknemers), no por
calcula na tempo e ‘Gemiddeld loon/salario promedio’. Esaki tin como
consecuencia cu NO por fiha un bon premie pa AZV y AOV, NO por
determina tampoco un bon “Minimumloon/salario minimo”, ni e nivel di e
Pensioen di AOV y Bijstand.
7. No ta existi un maneho di salario minimo cu ta tene cuenta cu e
Crecimento Real di e economia (Hulanda por ehempel tin esaki cuarenta
aña caba, inclusive un ley cu ta fiha con e proceso mester wordo hiba!).
Como consecuencia e gap/buraco entre rico y pober, o sea, e pobresa
relativo, ta aumenta dia pa dia! Awor, e gobierno cu tin miedo di hisa e
salario minimo un tiki mas cu e CPI (coreccion pa inflacion so, cu ta
pretende mantenshon di e valor di compra di e sueldo – waardevastheid –
, pero no un progreso real, wel-vaartsvastheid) ta demonstra con mal
economista nan ta. Tur e asunto aki por wordo bon maneha si tin un bon
politica pa hisa productividad. Subi productiviad no kier meen cu tur
hende mester traha mas y mas. E kier meen mas bien cu mester bay
traha mas inteligentemente.
8. Interes cu pueblo ta paga pa fianza pa construccion di cas ‘social’
na Aruba ta mucho halto. Gobierno ta dispone di un Volkskredietbank,
pero NO ta hasi nada efectivo cu ne!
Otro puntonan importante cu PPA lo coregi y cu e gobiernonan di
MEP y AVP a neglicia ta:
9. NO a inverti – manera a bisa caba – suficiente den educacion.
10. No a resolve – den ocho aña – e problemanan di AZV y AOV.
11. No a inverti suficiente den mantelzorg. Ni tampoco den cas di
cuido pa nos grandinan.
12. No a sa di deal/atende efectivamente cu e problematica di
Choller. Ni un estudio a laga hasi riba e tereno aki durante dos
periodo di gobernacion.
13. No tin atencion adecuado pa problemanan di Hubentud, Famiya y
Gangs.
14. Por ultimo. No tin un cooperacion – team work – entre e
Ministernan di Economia, Asuntonan Social y Educacion,
Salubridad Publico y Labor. Sin esaki, no por tin un bon maneho
social na Aruba. E area social ta hopi grandi y NO ta trabao di un
minister so!
Maneho di PPA:
Restructuracion di Ministerio di Asuntonan Social y tarea:
- Den cuadra di e reorganisacion di e Ministerionan, PPA ta propone un
‘Ministerio di Bienestar Social, Famia, Hubentud, Salubridad Publico y
Seguridad Social’.
- Esaki cu e meta di hiba un maneho cu ta tene cuenta cu e problematica
di Famia riba nos isla y e problematica di Hubentud;
- Lo inventerisa, hunto cu e habitantenan, e necesidad, deseo y
preocupacion di tur districto y laganan indica e puntonan riba e tereno
social pa cada districto y analisa e desaroyo pa districto.
- Lo desaroya un Plan di Maneho Integral di Desaroyo Social, incluyendo
e puntonan di prioridad indica pa cada districto.
Edificio Nobo pa Departamento Social:
- Lo concentra tur e seccionnan di e tereno social cu ta cay bao di
Departamento di Asuntonan Social, incluyendo e Ministerio di Asuntonan
Social, den un solo edificio moderno y accesibel pa publico. Si mester
construi un Edificio nobo, PPA lo hasi esaki.
Conferencia Nacional:
- Lo organisa anualmente un Conferencia Nacional riba e tereno social,
caminda ta evalua e desaroyo social, raporta datonan reciente, hasi
analisis di e situacion actual, saca conclusion y formula un maneho social.
Anualmente ta duna recomendacion pa adaptacion y cambionan di e
Maneho Social cu participacion di tur sector den nos comunidad.
Plataforma Nacional:
- Den cuadra di e ‘participacion civico’ cu PPA ta kere aden, lo crea un
Plataforma di Organisacion No-Gubernamental (ONG/Boluntarionan) y
organisacionan Gobernamentel, legalmente structura, cu participacion
structural pa cu e desaroyo social.
Implementacion di un Maneho Social Efectivo:
- Lo duna contenido na un Social Budget !
- Lo ‘zorg’ pa e GINI COEFFICIENT wordo publica anualmente.
- Lo introduci un ‘metodo official a base di indicadornan’ cu cual ta midi
y monitorea e grado di solidaridad den nos systema di Seguridad
Social.
- Lo zorg pa bini cu un definicion di pobresa pa Aruba.
- Lo zorg cu ora cu CBS publica un Bestaansminimum cu esaki ta
correcto (via cooperacion cu e ministerio envolvi).
- Lo zorg cu e calculo di Salario Promedio Nacional ta up to date, esaki
tambe via e coordinacion debido cu e ministerionan concerni.
- Lo introduci un maneho di salario minimo cu ta tene cuenta cu e
Crecimento Real di nos Economia.
- Lo zorg pa tur aña un 250 cas social wordo construi.
- Lo usa Volkskredietbank mas efficientemente den e area social y pone
fianzanan disponibel na ‘interes’ mas abao.
- Lo inverti 6.5% di e entrada nacional di Aruba (GDP) den Enseñansa.
Bao di AVP y MEP esaki tabata un averahe di 4.2%.
- Lo resolve e problematica di tanto AZV como AOV di un manera
duradero, teniendo na cuenta e interes general.
- Lo inverti den ‘mantelzorg’ y tambe den cas di cuido pa anciano.
- Lo atende e problematica di choller efectivamente a corto plazo.
HUBENTUD Y ‘GANGS’
- Lo tene cuenta debidamente cu e problemanan di famiya, hubentud y
gangs.
Cooperacion estrecho entre Ministerionan:
- PPA su maneho riba tereno di gobernacion lo percura pa tin un
cooperacion estrecho entre Ministronan di Economia, Asuntonan Social,
Educacion, Salubridad Publico y Labor.
Sosten pa Organisacionnan No-Gobernamental:
- Sostene e organisacionnan no-gubernamental cu nan relatonan
financiero y presupuesto(nan) etc. door di pone un persona professional
na disposicion di e organisacionan aki.
- Implementa e ley di Kinderopvang.
- Lo evalua e crechenan /speelschooltje, e tarea di Trai Merdia y di
Fundacion Desaroyo Educativo Comunitario y larga e Ministerionan cu ta
traha riba nan tereno keda encarga cu e instancianan aki. Actualmente
crechenan ta cay bao di Ministerio di Asuntonan Social, Trai merdia ta
cay bao di Ministerio di Enseñansa y Fundacion Desaroyo Educativo
Comunitario ta cay bao di Ministerio di Cultura.
CASNAN PA NOS GRANDINAN ... !
- Lo carga responsabilidad, controla y guia e construccion di un Cas pa
nos Grandinan na San Nicolas, cu ta ejecucion di e mocion di PPA di
fecha 20 di april 2004 ( E derecho riba privacidad).
- Lo construi un centro pa nos grandinan den e districto di Noord/tanki
Leendert y un den e districto di Santa Cruz, mescos cu e modelo di e cas
nobo pa nos grandinan na San Nicolas (conforme mocion di PPA aproba
unanimamente pa parlamento cu a bay pa ehecucion na Gobierno).
Aumento di onderstand:
- Lo aumenta bijstand cu 50%, pero na mes momento lo hasi lo maximo
posibel pa esnan cu por traha, realmente haya un trabao y duna
cobradonan di onderstand oportunidad di sigui studia p.e. door di “on the
job training”, pues “na pia di trabao”, financiamento pa sigui un estudio
p.e. pa mamanan soltero y cu subsidio pa kinderopvang.
Subsidio di Huur, gehandicapte uitkering etc:
- Sostene nos famianan cu salario minimo, cu un subsidio di huur segun
reglanan di antemano stipula.
- Optimalisa e ley pa personanan cu tin cu cobra un gehandicapte uitkering.
- Educa nos hendenan con pa usa awa y coriente mas conscientemente.
- Sostene Fundacion pa Nos Muchanan, p’asina por sigui sostene
mayornan pa cu educacion social y familiar di nos yuinan (0 te cu 12 aña);
- Introduci un forma di sosten pa mayornan cu yiunan di 13 aña p’ariba
door di e.o. amplia e meta y tarea di Fundacion pa nos Muchanan,
incluyendo hobennan di 13 aña p’ariba tambe den nan trabao.
PPA a declara guerra contra pobreza for di aña 2000 y den e cuadra
aki nos maneho lo ta:
- Implementa e conceptonan antes menciona cu Aruba no tin/falta,
pa por hiba un maneho social responsabel y profesional;
- Aumento di e sueldo minimo pa famianan por biba mas tranquil
(Afl. 1800,-- plus NAWI loke ta significa un idexering anual cu ta tene
cuenta cu e crecemento real di nos economia);
- Aumenta e onderestand/bijstand cu 50%;
- Educa, forma y sostene cobradornan di onderstand/bijstand pa
envolvinan den trabao boluntario den barionan, p’asina nan por keda den
e desaroyo social;
- Trece cambio den nos leynan di belasting pa por kita un porcentahe
for di gastonan di huur (15%) y cuido di mucha “crèche”(25%) cu lo wordo
deduci (rebaha) for di belasting cu e persona mester paga;
- PPA lo permiti un rebaho di belasting pa gasto di transporte basa
riba e distancia cu un trahador tin di core pa yega su trabao.
FCCA/ cas di pueblo:
- PPA lo construi 1000 cas di pueblo den un promedio di cuatro aña.
- PPA lo laga FCCA cumpra casnan riba mercado local y reserva nan pa
e uso di Arubianonan cu ta regresa for di exterior. Si ta necesario tambe
lo construi cas pa Arubiano cu regresa di exterior pa contribui na nos
economia y nos sector laboral.
Seguridad Social:
PPA lo hiba un maneho cu ta tene cuenta cu e puntonan menciona den
rapport di ILO (mei 2005). Naturalmente e puntonan aki mester di un
sosten amplio den comunidad. Y pa logra esaki PPA lo discuti contenido
di e rapport menciona cu nos gremionan;
*** Lo boga pa cambia uso di e sistema di indexer di CPI pa un sistema
basa riba e crecemento di e National Wage Index (NAWI);
*** Lo duna e trahador un salario minimo realistico Afl. 1800,-- pa luna,
combina cu e NAWI;
*** Lo hiba un maneho den cual lo garantisa e pensioen di AOV y
indexeer esaki, igual cu e minimumloon, conforme e NAWI, di manera cu
e pensioen di AOV lo progresa hunto cu e crecemento real di nos
economia;
*** Lo introduci na un manera responsabel un pensioen adicional,
teniendo cuenta cu e problematica di W.I.G.;
*** Lo reestructura AZV y hasie mas eficiente riba e tereno di control di
gasto di manera cu e seguro aki lo por ofrece un calidad di cuido
duradero cu ta pagabel pa e comunidad Arubano;
*** Lo studia e posibilidad di elimina, of por lo menos baha, e prima di
9,5% cu pensionadonan mester paga pasobra ley ta consideranan
eroneamente como “zelfstandige”. Tambe lo adapta e sliding scale
conforme e adaptacionnan cu a tuma lugar den e belasting (otro prueba
cu MEP y AVP no ta tene cuenta cu e mas debilnan den nos comunidad).