| Nos grandinan tambe tin derecho riba un bon calidad di bida! |
E problematica di "vergrijzing" mester atencion urgente di parti di
gobierno. PPA lo dedica atencion profundo na esaki! Nos grandinan
no merece di wordo apunta pa e ley di AZV como un “zelfstandige”
pa consecuentemente paga e prima completo ... PPA lo busca un
otro solucion: lo kita e prima, sea totalmente, of parcialmente ! En
todo caso, lo ahusta e “sliding scale” conforme cu otro ahustenan cu
a tuma luga den nos sistema di belasting, di manera cu nos
grandinan lo haña igual trato cu tur otro ciudadano!
PPA su meta ta pa duna nos grandinan un mihor calidad di bida den tur
sentido di palabra entre otro door di:
a. construccion di casnan pa nos grandinan moderno basa riba e
principio di privacidad, manera aproba door di parlamento riba
proposicion di mocionan di PPA. Casnan pa nos grandinan lo wordo
construi na San Nicolas, Noord y Sta Cruz. Conforme mocionan di PPA
cu a wordo aproba pa parlamento UNANIMAMENTE, y a wordo manda
pa gobierno pa ehecucion;
b. Yuda esnan di menos recurso den re-construccion di nan casnan pa
hasi esaki adecuado pa nos grandinan por keda biba den nan hogar mas
tanto posibel;
c. Tambe lo construi y tene den bon condicion un cierto cantidad di cas
den comunidad pa nos grandinan por usa;
d. PPA lo inverti den “Mantelzorg” y “Alfa hulp”. Ademas, lo introduci
un seguro social nobo di “CUIDO” cu lo garantiza servicionan basico na
tur grandi cu no por cuida nan mes mas;
e. Construi parkenan den barionan caminda cu nos grandinan por topa
cu otro y tambe topa cu esnan mas hoben, hubentud y muchanan. E
parkenan mester bira centro di encuerto pa habitantenan di bario. Den e
programa mester tin speeltuin pa muchanan mas chikito hunga, mientras
rond di dje e mayornan y abuelonan por tira bista riba nan. E control
social lo funciona mas miho y esaki lo tin su frutanan;
f. Maneho di partido PPA lo encera tambe cu nos grandinan NO mag
di perde nan pensioen na momento cu nan mester wordo tuma den un
cas pa nos grandinan. Pensioen ta un derecho y ningun gobierno tin mag
di mishi cu e derecho aki. PPA ta boga pa un reformulacion di financia-
mento di gasto pa nos grandinan. E persona di edad lo por contribui cu
un parti di su pensioen, por lo demas gobierno lo mester subsidia/paga
un diferencia. E sistema aki lo significa cu e grandi su derecho y su
dignidad lo keda intacto na tur momento;
g. Nos grandinan NO mag di paga belasting, den ningun forma, riba nan
pensioen basico di AOV. Esaki kier meen cu lo hasi e pensioen di AOV
totalmente deducibel di belasting;
h. Nos pensionadonan ta wordo inhustamente trata como
“zelfstandige” pa cobra nan ‘full’ e prima di AZV cu ta 9.5%. PPA lo hiba
un maneho di busca un otro formula unda lo kita esaki, sea totalmente of
parcialmente;
i. Den caso cu no por kita e prima di AZV totalmente, lo ahusta e
“sliding scale” conforme otro ahustenan cu a tuma luga den nos sistema
di belasting, di manera cu nos grandinan lo haña igual trato cu tur otro
ciudadano;
j. PPA lo introduci un maneho pa “Promocion di Salud”, ya cu ya nos
salud ta determina nos calidad di bida na tur edad, pero muy en especial
ora nos bira grandi;
k. PPA lo hiba un maneho pa salba e fondo di pensioen pa nos
grandinan y respeta nan derechonan. E maneho aki lo wordo hiba
despues di un evaluacion profundo basa riba un “plataforma nacional” na
unda e raport di ILO (mei 2005) lo wordo discuti y un conseho lo wordo
formula pa gobierno di Aruba;
l. PPA lo hiba un maneho dirigi riba detecta, evalua y frena locual nos
ta yama descriminacion di edad den nos sociedad. Esaki tanto dentro di
nos leynan existente manera seguronan di AOV, AWW y AZV, como den
casonan di trabao; Tur descriminacion di edad lo wordo controla severa-
mente pa nos gobierno y si mester crea legislacion adicional pa frena
esaki, PPA lo cumpli cabalmente;
m. Nos grandinan mester ricibi 50% di reduccion di tarifa di awa, coriente
y telefon, te na un suma cu ta cubri tur nan necesidad basico. Den caso
cu mas persona ta biba den e mesun cas, lo aplica un formula pa
establece cuanto e reduccion lo ta.
gobierno. PPA lo dedica atencion profundo na esaki! Nos grandinan
no merece di wordo apunta pa e ley di AZV como un “zelfstandige”
pa consecuentemente paga e prima completo ... PPA lo busca un
otro solucion: lo kita e prima, sea totalmente, of parcialmente ! En
todo caso, lo ahusta e “sliding scale” conforme cu otro ahustenan cu
a tuma luga den nos sistema di belasting, di manera cu nos
grandinan lo haña igual trato cu tur otro ciudadano!
PPA su meta ta pa duna nos grandinan un mihor calidad di bida den tur
sentido di palabra entre otro door di:
a. construccion di casnan pa nos grandinan moderno basa riba e
principio di privacidad, manera aproba door di parlamento riba
proposicion di mocionan di PPA. Casnan pa nos grandinan lo wordo
construi na San Nicolas, Noord y Sta Cruz. Conforme mocionan di PPA
cu a wordo aproba pa parlamento UNANIMAMENTE, y a wordo manda
pa gobierno pa ehecucion;
b. Yuda esnan di menos recurso den re-construccion di nan casnan pa
hasi esaki adecuado pa nos grandinan por keda biba den nan hogar mas
tanto posibel;
c. Tambe lo construi y tene den bon condicion un cierto cantidad di cas
den comunidad pa nos grandinan por usa;
d. PPA lo inverti den “Mantelzorg” y “Alfa hulp”. Ademas, lo introduci
un seguro social nobo di “CUIDO” cu lo garantiza servicionan basico na
tur grandi cu no por cuida nan mes mas;
e. Construi parkenan den barionan caminda cu nos grandinan por topa
cu otro y tambe topa cu esnan mas hoben, hubentud y muchanan. E
parkenan mester bira centro di encuerto pa habitantenan di bario. Den e
programa mester tin speeltuin pa muchanan mas chikito hunga, mientras
rond di dje e mayornan y abuelonan por tira bista riba nan. E control
social lo funciona mas miho y esaki lo tin su frutanan;
f. Maneho di partido PPA lo encera tambe cu nos grandinan NO mag
di perde nan pensioen na momento cu nan mester wordo tuma den un
cas pa nos grandinan. Pensioen ta un derecho y ningun gobierno tin mag
di mishi cu e derecho aki. PPA ta boga pa un reformulacion di financia-
mento di gasto pa nos grandinan. E persona di edad lo por contribui cu
un parti di su pensioen, por lo demas gobierno lo mester subsidia/paga
un diferencia. E sistema aki lo significa cu e grandi su derecho y su
dignidad lo keda intacto na tur momento;
g. Nos grandinan NO mag di paga belasting, den ningun forma, riba nan
pensioen basico di AOV. Esaki kier meen cu lo hasi e pensioen di AOV
totalmente deducibel di belasting;
h. Nos pensionadonan ta wordo inhustamente trata como
“zelfstandige” pa cobra nan ‘full’ e prima di AZV cu ta 9.5%. PPA lo hiba
un maneho di busca un otro formula unda lo kita esaki, sea totalmente of
parcialmente;
i. Den caso cu no por kita e prima di AZV totalmente, lo ahusta e
“sliding scale” conforme otro ahustenan cu a tuma luga den nos sistema
di belasting, di manera cu nos grandinan lo haña igual trato cu tur otro
ciudadano;
j. PPA lo introduci un maneho pa “Promocion di Salud”, ya cu ya nos
salud ta determina nos calidad di bida na tur edad, pero muy en especial
ora nos bira grandi;
k. PPA lo hiba un maneho pa salba e fondo di pensioen pa nos
grandinan y respeta nan derechonan. E maneho aki lo wordo hiba
despues di un evaluacion profundo basa riba un “plataforma nacional” na
unda e raport di ILO (mei 2005) lo wordo discuti y un conseho lo wordo
formula pa gobierno di Aruba;
l. PPA lo hiba un maneho dirigi riba detecta, evalua y frena locual nos
ta yama descriminacion di edad den nos sociedad. Esaki tanto dentro di
nos leynan existente manera seguronan di AOV, AWW y AZV, como den
casonan di trabao; Tur descriminacion di edad lo wordo controla severa-
mente pa nos gobierno y si mester crea legislacion adicional pa frena
esaki, PPA lo cumpli cabalmente;
m. Nos grandinan mester ricibi 50% di reduccion di tarifa di awa, coriente
y telefon, te na un suma cu ta cubri tur nan necesidad basico. Den caso
cu mas persona ta biba den e mesun cas, lo aplica un formula pa
establece cuanto e reduccion lo ta.