E Otro Banda dj'e Medaya |
Den un articulo anterior mi a mustra riba e hecho cu no por confia riba e
indicador GDP, o sea, e Producto Domestico Bruto, como medida di
progreso economico dje pueblo. E motibo ta simpel. Den e GDP tin
componentenan cu ta refleha e beneficio economico di personanan y
empresanan, cu despues di gana nan plaka na Aruba, ta sake for di nos
pais. Ademas, e GDP no ta bisa di ki forma e riqueza economico ta
distribui den e pueblo. E indicador cu ta duna un bista riba e distribucion
di e suma total di salario, ta e GINI coëfficient. Den e paisnan cu mihor
distribucion di ingreso, e coëfficiente aki ta entre 0,24 y 0,36. Aruba na
1993 tabata tin di dje na 0,38. Pa aña 2006 e indicador aki a empeora y a
bira 0,42. Esaki a tuma lugar mientras cu Aruba su economia, ainda
considerando e eventonan di 11/9 na USA, a conoce un crecemento real
entre 1993 y 2006, di 30,9%. Lo anterior ta nifica cu den dicho periodo, e
pueblo di Aruba no a probecha verdaderamente di e mehoracion
economico di e pais. E pregunta awor ta: dicon un economia cu desde
1986, durante 22 aña a experimenta un aumento nominal di 570%, tin su
otro banda di e medaya, caminda e progreso economico di e pueblo no
tabata di acuerdo cu e crecemento economico real? Riba tal topico e
articulo aki ta trata. Na promer lugar Aruba a hasi e sector turistico
practicamente e unico pilar economico. Den tal tipo di economia ta existi
un presion enorme riba e salarionan pa nan no subi y asina protege e
posicion di concurrencia di e pais. E asunto aki ta bay asina leu, cu e Lv.
Minimum Loon (AB 1989 GT no. 26, articulo 13) ta indica pa indexeer e
salario minimo cu e factor di inflacion (CPI) unicamente, sin tene cuenta
cu e crecimento real di e economia. Di e manera aki esun cu a contribui
cu e progreso economico no ta haña un compensacion husto pa su
esfuerzo! Tal situacion ta refleha su mes den e siguiente grafico:
E linea di mas ariba ta mustra e desaroyo di e GDP, o sea, e
crecemento di e economia entre 1994 y 2008. E dos linea di mas abao,
ta indica e inflacion y evolucion di e salario minimo. E linea di memey, cu
tal vez ta dificil di wak, ta un aproximacion di e desaroyo di e salario
nacional promedio. Importante ta pa mira con e GAP entre e crecemento
economico y esun di e salarionan, ta aumenta. Tin cu constata si, cu e
ultimo dos añanan, e desaroyo di e salario minimo ta mustra un poco
mihor. Esaki, claro ta resultado di e ultimo ahustenan cu a tuma lugar cu e
salario minimo, caminda esaki a bay respectivamente di Afl. 1.360,00 na
2006 pa Afl 1.460,00 na 2007 y finalmente na Afl. 1.505,00 pa e aña
actual. Pero, ta e GAP señala ta conta. Su aumento constante ta nifica cu
e diferencia entre rico y pober ta cada dia mas grandi. Esunnan di menos
recurso ta hañanan cu nan nivel di bida ta bay atras den relacion cu e
otronan. Esaki ta crea desigualdad y presionnan social grandi y ta
promove inseguridad y criminalidad. ILO, den su rapport di mei 2005, ta
adverti Aruba cu si e no cambia e tendencia ariba indica, lo surgi pobresa
real den ceno di e trahadornan mas humilde, pensionadonan y esunnan
cu ta ricibi asistencia social. Aparte, di e problemanan social y criminal ya
antes menciona, e golpi lo bin pa comercio tambe, pasobra e grupo di e
poblacion cu menos recurso, lo tin menos y menos pa gasta den nos
negoshinan.
Otro aspecto cu ta yama atencion ta e desaroyo relativo di total empleo
y desempleo. Den e grafico anterior, e serie di columnanan cu ta crece
fiho (blauw), ta esun di total empleo. Esun di total desempleo (biña) ta
disminui entre 1996 y 1999, pa despues crece relativamente mas hopi cu
esun di total empleo. Esaki por wordo splica door di cu entre aña 2000 y
2006, a manda trahadornan local cas pa reemplasanan cu trahador di
exterior. E situacion aki, claro cu tampoco ta favorece e clima social di
Aruba. Te aki mi analysis den e articulo aki cu ta indica cu na Aruba nos
mester urgentemente di un mihor maneho laboral y salarial. Mi por bisa te
hasta, di nos economia en general, caminda diversificacion, profesion-
alizacion y husticia social ta mas cu nunca na su lugar. E hecho cu e
crisis economico mundial a frena Aruba su economia den e ultimo dos
aña, no mester desvia nos pensamento pa un miho Aruba mañan.
indicador GDP, o sea, e Producto Domestico Bruto, como medida di
progreso economico dje pueblo. E motibo ta simpel. Den e GDP tin
componentenan cu ta refleha e beneficio economico di personanan y
empresanan, cu despues di gana nan plaka na Aruba, ta sake for di nos
pais. Ademas, e GDP no ta bisa di ki forma e riqueza economico ta
distribui den e pueblo. E indicador cu ta duna un bista riba e distribucion
di e suma total di salario, ta e GINI coëfficient. Den e paisnan cu mihor
distribucion di ingreso, e coëfficiente aki ta entre 0,24 y 0,36. Aruba na
1993 tabata tin di dje na 0,38. Pa aña 2006 e indicador aki a empeora y a
bira 0,42. Esaki a tuma lugar mientras cu Aruba su economia, ainda
considerando e eventonan di 11/9 na USA, a conoce un crecemento real
entre 1993 y 2006, di 30,9%. Lo anterior ta nifica cu den dicho periodo, e
pueblo di Aruba no a probecha verdaderamente di e mehoracion
economico di e pais. E pregunta awor ta: dicon un economia cu desde
1986, durante 22 aña a experimenta un aumento nominal di 570%, tin su
otro banda di e medaya, caminda e progreso economico di e pueblo no
tabata di acuerdo cu e crecemento economico real? Riba tal topico e
articulo aki ta trata. Na promer lugar Aruba a hasi e sector turistico
practicamente e unico pilar economico. Den tal tipo di economia ta existi
un presion enorme riba e salarionan pa nan no subi y asina protege e
posicion di concurrencia di e pais. E asunto aki ta bay asina leu, cu e Lv.
Minimum Loon (AB 1989 GT no. 26, articulo 13) ta indica pa indexeer e
salario minimo cu e factor di inflacion (CPI) unicamente, sin tene cuenta
cu e crecimento real di e economia. Di e manera aki esun cu a contribui
cu e progreso economico no ta haña un compensacion husto pa su
esfuerzo! Tal situacion ta refleha su mes den e siguiente grafico:
E linea di mas ariba ta mustra e desaroyo di e GDP, o sea, e
crecemento di e economia entre 1994 y 2008. E dos linea di mas abao,
ta indica e inflacion y evolucion di e salario minimo. E linea di memey, cu
tal vez ta dificil di wak, ta un aproximacion di e desaroyo di e salario
nacional promedio. Importante ta pa mira con e GAP entre e crecemento
economico y esun di e salarionan, ta aumenta. Tin cu constata si, cu e
ultimo dos añanan, e desaroyo di e salario minimo ta mustra un poco
mihor. Esaki, claro ta resultado di e ultimo ahustenan cu a tuma lugar cu e
salario minimo, caminda esaki a bay respectivamente di Afl. 1.360,00 na
2006 pa Afl 1.460,00 na 2007 y finalmente na Afl. 1.505,00 pa e aña
actual. Pero, ta e GAP señala ta conta. Su aumento constante ta nifica cu
e diferencia entre rico y pober ta cada dia mas grandi. Esunnan di menos
recurso ta hañanan cu nan nivel di bida ta bay atras den relacion cu e
otronan. Esaki ta crea desigualdad y presionnan social grandi y ta
promove inseguridad y criminalidad. ILO, den su rapport di mei 2005, ta
adverti Aruba cu si e no cambia e tendencia ariba indica, lo surgi pobresa
real den ceno di e trahadornan mas humilde, pensionadonan y esunnan
cu ta ricibi asistencia social. Aparte, di e problemanan social y criminal ya
antes menciona, e golpi lo bin pa comercio tambe, pasobra e grupo di e
poblacion cu menos recurso, lo tin menos y menos pa gasta den nos
negoshinan.
Otro aspecto cu ta yama atencion ta e desaroyo relativo di total empleo
y desempleo. Den e grafico anterior, e serie di columnanan cu ta crece
fiho (blauw), ta esun di total empleo. Esun di total desempleo (biña) ta
disminui entre 1996 y 1999, pa despues crece relativamente mas hopi cu
esun di total empleo. Esaki por wordo splica door di cu entre aña 2000 y
2006, a manda trahadornan local cas pa reemplasanan cu trahador di
exterior. E situacion aki, claro cu tampoco ta favorece e clima social di
Aruba. Te aki mi analysis den e articulo aki cu ta indica cu na Aruba nos
mester urgentemente di un mihor maneho laboral y salarial. Mi por bisa te
hasta, di nos economia en general, caminda diversificacion, profesion-
alizacion y husticia social ta mas cu nunca na su lugar. E hecho cu e
crisis economico mundial a frena Aruba su economia den e ultimo dos
aña, no mester desvia nos pensamento pa un miho Aruba mañan.
