| Husto No Por Paga pa Pecador e responsabilidad di gobierno den e caso di AZV |
Continuando cu mi bon intencion pa duna informacion importante cu
por yuda compronde e situacion di AZV, di manera cu por jega na un
solucion balancea y husto pa tur hende, mi tin cu hasi un parentisis pa
aclarea un par di expresion hasi pa Sr. Minister Boochi Wever e siman
aki den prensa local, caminda e ta reacciona riba un articulo cu mi a
publica recientemente. Primeramente ta di lamenta cu un situacion
serio cu mi ta señalando a base di datos concreto y cu ta trata e
interes general di Aruba, diripente Sr. Wever ta purba di hiba e asunto
na un nivel personal cu ta kita e atencion di e esencia di e problema.
Palabranan cu e mandatario ta usa manera ‘na trapper’, ‘pici pieu’ y ‘no
haña su kier’ ta munstra cu Minister Wever no ta compronde mucho di
loke mi ta exponiendo. Mester corda cu mi no tabata a titulo personal
den e comision di AZV, y bisa cu mi sa bon cu Minister ta supose di
mira e raport como promer persona, ta indica cu Minister ta bruhando
un appel cu un peer. Claro, cu den relacion cu tur ‘outsiders’ Minister tin
preferencia. Esaki tur hende sa. Pero, den caso di e lidernan sindical,
nan ta ‘insiders’ cu tur nan derecho di participa den e contenido di e
rapport PROMER CU E WORDO ENTREGA NA MINISTER! En
cuanto responsabilidad, mi a hañami obliga di retira ora a resulta cu e
mayoria di e sindicatonan a corre pa nan resposabilidad, di manera cu
ami a keda sin sosten y no por a sigui hasi mi trabou responsable-
mente. Esaki ta net lo contrario di loke Sr. Minister ta sugeri! Final-
mente, mi mester a lesa cu asombro cu Minister Wever ta pensa cu
pasobra mi no a haña mi kier, mi a bai skop den tur direccion, y ... cu e
no a verwacht nada otro di mi. Akinan mi ta kere cu e mandatario ta
confundiendo su propio manera di actua cu esun dimi! En resumen,
door di no bin cu argumentonan solido pa contraresta mi ponencianan,
Minister Wever de facto ta dunami di pensa en cuanto su disposicion
pa resolve un problema den un asunto cu ta afecta nos tur.
Awor e caso di AZV mes. Na juni 2000, SER ta saca su raport cu
recomenda-cion pa introduccion di AZV y ta calcula e prima pa e
seguro aki. SER ta cuminsa cu adverti cu su calculo no ta di confia pa
motibo di falta di datos. Ta fiha un prima di 7,5% cu lo mester produci
Afl. 86 miyon, mas ta calcula un landsbijdrage di Afl. 102 miyon, locual
ta hasi cu e gastonan di AZV ta calcula pa un total di Afl. 188 miyon. Ta
recomenda muy en especial pa gobierno percura di mantene den futuro
e partici-pacion relativo di e landsbijdrage na e nivel sugeri di 54% pa
asina no afecta e WIG mucho. O sea, pa no pone mucho presion riba e
prima di e trahado y e doño di trabou. Notabel ta cu SER no ta hasi
ningun proyeccion a largo plazo, ni mucho menos ta realiza un estudio
pa fiha si den futuro e seguronan di AOV y AZV lo por co-existi cu otro.
A pesar di tur insuguridad y falta di datos, gobierno na fin di aña 2000,
ta introduci AZV. Nunca ta splica e pueblo cu e gasto real di AZV ta
calcula pa ta 16,4% di e suma total di e salarionan segura. Ademas,
gobierno ta faya fo’i e promer instante di cumpli cu su parti di lands-
bijdrage pasobra en bez di paga e Afl. 102 miyon, ta pone unicamente
Afl. 89.6 miyon extra den AZV. Ripara aki cu un acto gubernamental di
falta di responsabilidad ta wordo cometi. Gobierno ta crea un seguro
social nobo cu no ta programa pa financia su mes por medio di su
prima y di cual no tin ningun siguridad cu e lo por sigui wordo paga den
futuro! Pa colmo ta resulta cu e trabou superficial di SER no ta consisti
solamente den falta di suficiente estudio y proyeccionnan pa futuro,
sino cu SER su calculo di e prima mes ta resulta di ta off pa e bunita
suma di Afl 53 miyon. Pues, e gastonan total di AZV pa 2001 ta resulta
di ta Afl. 241 miyon, en bez di e Afl 188 miyon ya antes menciona. Lo
anterior ta representa awor 18% di e suma total di e salarionan segura
y no 16,4%. Menos mal cu SER mes a indica cu su calculo no ta di
confia. Pero, ta keda e pregunta a base di kiko anto nan a recomenda
e introduccion di AZV? Mi ta corda cu un biaha SER a yega di skirbi cu
SVb no ta sirbi, y cu pesey AZV mester bin. Mi ta spera cu mi no tin
necesidad di splika cu esaki ta pone SER den un situacion hopi debil cu
nan profesionalismo, ya cu un argumentacion asina no tin ningun
validez racional. Den e añanan cu ta sigui (2002 – 2008) gobierno ta
baha e participacion relativo di e landsbijdrage di 47% pa 37%, na lugar
di mantene e 54% cu tabata sugeri. Na e mesun momento ta permiti e
gastonan di e administracion di AZV aumenta di Afl. 7,0 miyon na 2001
te cu Afl. Afl. 16,8 miyon na 2008. Esaki ta nifica un aumento di 140%
den 7 aña. Pa motibo di e desaroyo antes indica, e presion riba e
prima cu e doño di trabou y e trahador mester paga a aumenta drastica-
mente. Esaki ta significa cu en bez di carga responsabilidad, gobierno
a traspasa su responsabilidad pa e empresanan y e comuni-dad! Den
mi articulonan anterior mi a indica cu tin varios otro aspecto caminda
gobierno y e organo di AZV ta faya den nan maneho, di manera cu e
seguro aki ta resulta di ta mucho caro. Pesey, e unico bon alternativa
pa soluciona e problema di AZV, ta baha su gastonan pa no permiti
husto paga pa pecador door di bin cu mas medida pa e pueblo. Den un
proximo articulo mi lo expone un analysis mas amplio di tur e problema-
nan y posibel solucionnan pa AZV y tambe con henter nos systema di
seguridad social, si no actua cu determinacion, ta na peliger.
por yuda compronde e situacion di AZV, di manera cu por jega na un
solucion balancea y husto pa tur hende, mi tin cu hasi un parentisis pa
aclarea un par di expresion hasi pa Sr. Minister Boochi Wever e siman
aki den prensa local, caminda e ta reacciona riba un articulo cu mi a
publica recientemente. Primeramente ta di lamenta cu un situacion
serio cu mi ta señalando a base di datos concreto y cu ta trata e
interes general di Aruba, diripente Sr. Wever ta purba di hiba e asunto
na un nivel personal cu ta kita e atencion di e esencia di e problema.
Palabranan cu e mandatario ta usa manera ‘na trapper’, ‘pici pieu’ y ‘no
haña su kier’ ta munstra cu Minister Wever no ta compronde mucho di
loke mi ta exponiendo. Mester corda cu mi no tabata a titulo personal
den e comision di AZV, y bisa cu mi sa bon cu Minister ta supose di
mira e raport como promer persona, ta indica cu Minister ta bruhando
un appel cu un peer. Claro, cu den relacion cu tur ‘outsiders’ Minister tin
preferencia. Esaki tur hende sa. Pero, den caso di e lidernan sindical,
nan ta ‘insiders’ cu tur nan derecho di participa den e contenido di e
rapport PROMER CU E WORDO ENTREGA NA MINISTER! En
cuanto responsabilidad, mi a hañami obliga di retira ora a resulta cu e
mayoria di e sindicatonan a corre pa nan resposabilidad, di manera cu
ami a keda sin sosten y no por a sigui hasi mi trabou responsable-
mente. Esaki ta net lo contrario di loke Sr. Minister ta sugeri! Final-
mente, mi mester a lesa cu asombro cu Minister Wever ta pensa cu
pasobra mi no a haña mi kier, mi a bai skop den tur direccion, y ... cu e
no a verwacht nada otro di mi. Akinan mi ta kere cu e mandatario ta
confundiendo su propio manera di actua cu esun dimi! En resumen,
door di no bin cu argumentonan solido pa contraresta mi ponencianan,
Minister Wever de facto ta dunami di pensa en cuanto su disposicion
pa resolve un problema den un asunto cu ta afecta nos tur.
Awor e caso di AZV mes. Na juni 2000, SER ta saca su raport cu
recomenda-cion pa introduccion di AZV y ta calcula e prima pa e
seguro aki. SER ta cuminsa cu adverti cu su calculo no ta di confia pa
motibo di falta di datos. Ta fiha un prima di 7,5% cu lo mester produci
Afl. 86 miyon, mas ta calcula un landsbijdrage di Afl. 102 miyon, locual
ta hasi cu e gastonan di AZV ta calcula pa un total di Afl. 188 miyon. Ta
recomenda muy en especial pa gobierno percura di mantene den futuro
e partici-pacion relativo di e landsbijdrage na e nivel sugeri di 54% pa
asina no afecta e WIG mucho. O sea, pa no pone mucho presion riba e
prima di e trahado y e doño di trabou. Notabel ta cu SER no ta hasi
ningun proyeccion a largo plazo, ni mucho menos ta realiza un estudio
pa fiha si den futuro e seguronan di AOV y AZV lo por co-existi cu otro.
A pesar di tur insuguridad y falta di datos, gobierno na fin di aña 2000,
ta introduci AZV. Nunca ta splica e pueblo cu e gasto real di AZV ta
calcula pa ta 16,4% di e suma total di e salarionan segura. Ademas,
gobierno ta faya fo’i e promer instante di cumpli cu su parti di lands-
bijdrage pasobra en bez di paga e Afl. 102 miyon, ta pone unicamente
Afl. 89.6 miyon extra den AZV. Ripara aki cu un acto gubernamental di
falta di responsabilidad ta wordo cometi. Gobierno ta crea un seguro
social nobo cu no ta programa pa financia su mes por medio di su
prima y di cual no tin ningun siguridad cu e lo por sigui wordo paga den
futuro! Pa colmo ta resulta cu e trabou superficial di SER no ta consisti
solamente den falta di suficiente estudio y proyeccionnan pa futuro,
sino cu SER su calculo di e prima mes ta resulta di ta off pa e bunita
suma di Afl 53 miyon. Pues, e gastonan total di AZV pa 2001 ta resulta
di ta Afl. 241 miyon, en bez di e Afl 188 miyon ya antes menciona. Lo
anterior ta representa awor 18% di e suma total di e salarionan segura
y no 16,4%. Menos mal cu SER mes a indica cu su calculo no ta di
confia. Pero, ta keda e pregunta a base di kiko anto nan a recomenda
e introduccion di AZV? Mi ta corda cu un biaha SER a yega di skirbi cu
SVb no ta sirbi, y cu pesey AZV mester bin. Mi ta spera cu mi no tin
necesidad di splika cu esaki ta pone SER den un situacion hopi debil cu
nan profesionalismo, ya cu un argumentacion asina no tin ningun
validez racional. Den e añanan cu ta sigui (2002 – 2008) gobierno ta
baha e participacion relativo di e landsbijdrage di 47% pa 37%, na lugar
di mantene e 54% cu tabata sugeri. Na e mesun momento ta permiti e
gastonan di e administracion di AZV aumenta di Afl. 7,0 miyon na 2001
te cu Afl. Afl. 16,8 miyon na 2008. Esaki ta nifica un aumento di 140%
den 7 aña. Pa motibo di e desaroyo antes indica, e presion riba e
prima cu e doño di trabou y e trahador mester paga a aumenta drastica-
mente. Esaki ta significa cu en bez di carga responsabilidad, gobierno
a traspasa su responsabilidad pa e empresanan y e comuni-dad! Den
mi articulonan anterior mi a indica cu tin varios otro aspecto caminda
gobierno y e organo di AZV ta faya den nan maneho, di manera cu e
seguro aki ta resulta di ta mucho caro. Pesey, e unico bon alternativa
pa soluciona e problema di AZV, ta baha su gastonan pa no permiti
husto paga pa pecador door di bin cu mas medida pa e pueblo. Den un
proximo articulo mi lo expone un analysis mas amplio di tur e problema-
nan y posibel solucionnan pa AZV y tambe con henter nos systema di
seguridad social, si no actua cu determinacion, ta na peliger.