| Un Plan di Pension Obligatorio, un Materia Hopi Delicado |
E tema di un pension obligatorio a bin riba mesa den campaña electoral
2009. Mi no a verwacht otro. Ta trata di un punto di agenda bieu di sector
priva y algun partido politico cu ta fuertemente representa pa comercian-
tenan. Loke ta yama atencion ta e manera con ta papia di e problemanan
cu AOV tin, pa despues core bisa cu e gran solucion lo ta un pension
priva obligatorio cu mester bira adicional na esun di AOV den un ley mas
amplio cu lo yama un Ley General di Pension. Ta mi obligacion di duna
pueblo informacion detaya riba e topico aki, ya cu e plan aki ta un cuchiu
cu por corta mahos di dos banda!
Pa cuminsa nos mester realisa cu ta trata di un problema di plaka
caminda e suma cu nos lo mester inverti den AOV pa reforme, lo no por
wordo inverti den e pension nobo y vice versa. Na di dos luga ta’sina cu
un pension obligatorio lo no resolve bao ningun circunstancia esun di
AOV. Riba e tema di AOV mi lo bini bek, si ta necesario den mas di un
articulo, pa splica pueblo kiko aki ta e problema y solucion.
Mi kier recorda pueblo cu mi ta ex-director interino di SVb y cu diez aña
largo mi a realisa tur sorto di estudio, investigacion, analysis, calculo y
proyeccion di dicho fondo. Ambtshalve, manera esey ta wordo yama den
gobierno, mi ta un specialista riba e tereno di nos AOV Arubano. E hecho
cu awor mi ta riba un lista politico no ta kita mi profesionalismo, ni mucho
menos mi responsabilidad pa cu e interes general di nos pueblo. De
hecho nada a cambia, pasobra fo’i tempo mi tabata ambtenaar, mi a
carga e mesun responsabilidad.
Biniendo bek riba e proposicion pa un pension obligatorio aditional. Ta
bon pa realisa cu ta bao cierto condicion e seguro aki lo por benificia
cierto gruponan. Di tur manera un estudio profesional realisa pa
actuarionan experto lo mester determina entre otro: e capital total cu e
pension aki lo genera ora e fondo madura; unda e lo wordo inverti y cu ki
factor di riesgo; ki impacto, saca sumanan grandi na nos economia den
presente lo tin y con e lo afecta nos posicion di divisas; kiko lo ta e
beneficio aproxima pa e aseguradonan na diferente nivel di salario y
despues di diferente cantidad di aña di aporta na e fondo; Ta conoci por
ehempel cu bao cierto nivel di salario y riba cierto edad, un plan di
pension priva, no ta resulta un inversion favorabel. E ultimo punto aki ta di
suma importancia, pasobra cu ki autoridad y moral, gobierno lo por
obliga ciudadanonan liber pa hasi un inversion priva cu no ta conveni
nan? Otro punto importantisimo ta: si gobierno pasa un ley obligatorio pa
un pension obligatorio cu sector priva ta bay handle, ken lo carga
responsabilidad ora cos bay malo? Djies corda cu recientemente, hopi
fondo di pension a perde placa den e crisis economico internacional cu ta
andando.
Den prensa local mi a lesa cu lo tin profesionalnan Arubano cu a studia e
materia ariba indica. Wel, mi ta invitanan pa nan no recomenda
ciegamente e introduccion di tal pension obligatorio, sino cuminsa
suministra datonan concreto pa contesta tur pregunta cu ta regarda e
tema aki.
Di mi banda mi por informa pueblo cu na Maart 2004, SVb a manda un
nota pa gobierno bao di e titulo “Aandachtspunten voor een gedegen
invoering van een aanvullende pensioenregeling op Aruba (Puntonan di
atencion pa un introduccion solido di un ley di pension adicional na
Aruba).” Den e documento ey, SVb a cumpli cu pone gobierno na altura
di tur punto cu lo mester tene cuenta cu ne, prome cu tuma e decision di
introduci tal ley (download copia di tal documento fo’I di e website aki den
e seccion 'downloads').
PPA na su debido tempo lo sigui cu e estudionan necesario cu lo fiha
bao ki condicion y na ki momento tal ley lo por cobra bida responsabel-
mente. Tin hopi placa y interes involvi den e materia aki, y lo no por
accepta cu e afan di hasi negoshi, lo pone Aruba tuma un decision robes
cu por termina fatal pa hopi hende riba e isla aki. Cu PPA den gobierno,
pueblo por tin e seguridad cu e interes general di Aruba lo wordo
atendi debidamente y cu lo tin transparencia den tur e pasonan cu e
materia aki ta trese cu ne.
2009. Mi no a verwacht otro. Ta trata di un punto di agenda bieu di sector
priva y algun partido politico cu ta fuertemente representa pa comercian-
tenan. Loke ta yama atencion ta e manera con ta papia di e problemanan
cu AOV tin, pa despues core bisa cu e gran solucion lo ta un pension
priva obligatorio cu mester bira adicional na esun di AOV den un ley mas
amplio cu lo yama un Ley General di Pension. Ta mi obligacion di duna
pueblo informacion detaya riba e topico aki, ya cu e plan aki ta un cuchiu
cu por corta mahos di dos banda!
Pa cuminsa nos mester realisa cu ta trata di un problema di plaka
caminda e suma cu nos lo mester inverti den AOV pa reforme, lo no por
wordo inverti den e pension nobo y vice versa. Na di dos luga ta’sina cu
un pension obligatorio lo no resolve bao ningun circunstancia esun di
AOV. Riba e tema di AOV mi lo bini bek, si ta necesario den mas di un
articulo, pa splica pueblo kiko aki ta e problema y solucion.
Mi kier recorda pueblo cu mi ta ex-director interino di SVb y cu diez aña
largo mi a realisa tur sorto di estudio, investigacion, analysis, calculo y
proyeccion di dicho fondo. Ambtshalve, manera esey ta wordo yama den
gobierno, mi ta un specialista riba e tereno di nos AOV Arubano. E hecho
cu awor mi ta riba un lista politico no ta kita mi profesionalismo, ni mucho
menos mi responsabilidad pa cu e interes general di nos pueblo. De
hecho nada a cambia, pasobra fo’i tempo mi tabata ambtenaar, mi a
carga e mesun responsabilidad.
Biniendo bek riba e proposicion pa un pension obligatorio aditional. Ta
bon pa realisa cu ta bao cierto condicion e seguro aki lo por benificia
cierto gruponan. Di tur manera un estudio profesional realisa pa
actuarionan experto lo mester determina entre otro: e capital total cu e
pension aki lo genera ora e fondo madura; unda e lo wordo inverti y cu ki
factor di riesgo; ki impacto, saca sumanan grandi na nos economia den
presente lo tin y con e lo afecta nos posicion di divisas; kiko lo ta e
beneficio aproxima pa e aseguradonan na diferente nivel di salario y
despues di diferente cantidad di aña di aporta na e fondo; Ta conoci por
ehempel cu bao cierto nivel di salario y riba cierto edad, un plan di
pension priva, no ta resulta un inversion favorabel. E ultimo punto aki ta di
suma importancia, pasobra cu ki autoridad y moral, gobierno lo por
obliga ciudadanonan liber pa hasi un inversion priva cu no ta conveni
nan? Otro punto importantisimo ta: si gobierno pasa un ley obligatorio pa
un pension obligatorio cu sector priva ta bay handle, ken lo carga
responsabilidad ora cos bay malo? Djies corda cu recientemente, hopi
fondo di pension a perde placa den e crisis economico internacional cu ta
andando.
Den prensa local mi a lesa cu lo tin profesionalnan Arubano cu a studia e
materia ariba indica. Wel, mi ta invitanan pa nan no recomenda
ciegamente e introduccion di tal pension obligatorio, sino cuminsa
suministra datonan concreto pa contesta tur pregunta cu ta regarda e
tema aki.
Di mi banda mi por informa pueblo cu na Maart 2004, SVb a manda un
nota pa gobierno bao di e titulo “Aandachtspunten voor een gedegen
invoering van een aanvullende pensioenregeling op Aruba (Puntonan di
atencion pa un introduccion solido di un ley di pension adicional na
Aruba).” Den e documento ey, SVb a cumpli cu pone gobierno na altura
di tur punto cu lo mester tene cuenta cu ne, prome cu tuma e decision di
introduci tal ley (download copia di tal documento fo’I di e website aki den
e seccion 'downloads').
PPA na su debido tempo lo sigui cu e estudionan necesario cu lo fiha
bao ki condicion y na ki momento tal ley lo por cobra bida responsabel-
mente. Tin hopi placa y interes involvi den e materia aki, y lo no por
accepta cu e afan di hasi negoshi, lo pone Aruba tuma un decision robes
cu por termina fatal pa hopi hende riba e isla aki. Cu PPA den gobierno,
pueblo por tin e seguridad cu e interes general di Aruba lo wordo
atendi debidamente y cu lo tin transparencia den tur e pasonan cu e
materia aki ta trese cu ne.