| Un Conseho pa Gobierno Reflexiona riba e Decreto Ministerial di AZV di Mei 2008 |
Gobierno mester tuma un decision en conexion cu e problema di
AZV y pa tal fin a nombra un comision pa studia e mencionado
problema y bin cu un conseho profesional pa gobierno. Minister
Wever a bai asina leu di bisa cu si ta necesario, e ta laga su carera
politico depende di esaki. Pero, kiko lo pasa si no ta minister Wever
su carera politico, sino e bienestar di e pueblo minister Wever ta
comprometiendo cu su Decreto Ministerial di 29 di Mei 2008? Un
analisis di e Decreto Ministerial concerni cu ta establece e comision
y su tarea ta munstra e siguiente peligernan: di un banda e Decreto
Ministerial ta reconoce cu e seguro di AZV mester garantisa un
acceso di e pueblo na tal seguro y cu e servicio brinda mester ta di
calidad y na un prijs cu ta pagable. Di otro banda ora e Decreto
Ministerial ta papia di e tarea di e comision e focus ta bin cai riba un
analisis di e problemanan di e seguro aki pa bin cu un solucion pa
principalmente e deficit financiero structural ce e seguro di AZV tin.
Ta bisa tambe cu e solucionnan sugeri mester goza di un sosten
amplio di e sociedad (maatschappelijk draagvlak). Awor, si wak
con e comision bou di guia di Sr. Marapin a interpreta e Decreto
Ministerial, anto ta bira cla cu en berdad e enfoque ta principalmente
dirigi riba e funcionamento di e organo AZV y su aspectonan di
ingreso y gasto. Pues, un enfoque economico-financiero pa wak
con ta cera e buraco cu e sistema financiero ta ocasionando.
Aunque tur miembro di e comision a compronde cu e verdadero
solucion pa AZV lo mester bin door di baha su gastonan, toch ta
pensa pa bin lo mas pronto posibel cu medidanan pa hisa su
ingreso! E aspectonan di calidad di e seguro medico, igualmente cu
e parti di acceso pa e pueblo, diripente ta kedando na di dos lugar!
Di e manera aki ta parse cu e comision ta forma simpelmente pa
yuda Minister Wever haña un solucion financiero, aunque esaki lo
perhudica e pueblo den asuntonan manera nan contribucion, e
calidad di cuido y e acceso na e seguro! Otro aspecto importante ta
cu den tur e problemanan di AZV, gobierno mes a hunga tanto den
pasado como den presente, un rol di culpabel hopi grandi. Entre
otro, dia a introduci AZV, a traha un ley sin cu tabatatin suficiente
conocimento riba e tereno aki. E preparacion y e calculo di e prima
na momento di e introduccion di AZV tabata deficiente. Un
evaluacion integral cu mester a tuma lugar despues di un par di aña,
nunca a tuma lugar. Semper gobierno a keda debe e pueblo un
politica efectivo di ‘Health Promotion’ y ta falta un bon control riba e
cobranza y e traspaso di e cobranza di e prima door di
Belastingdienst. Por ultimo por bisa cu gobierno mes tambe ta sigui
promove un economia basa riba trabou cu un valor agrega abou, di
manera cu gobierno mes ta pone e systema di financiamento di AZV
bou presion. Manera mi a bisa caba e parti aki di e responsabilidad
di gobierno no ta wordo trata den e raport di e comision di AZV.
Un otro punto pa considera seriamente ta cu e Decreto Ministerial ta
bisa cu si tin consensus e conseho di e comision lo haña un
caracter obligatorio (bindend advies). Esaki ta peligroso pasobra na
Aruba nos tin experiencia cu consensus por resulta un cuchiu cu ta
corta di dos banda! Ta posibel ora di traha cu consensus cu un bon
solucion ta wordo boycotia den un grupo y pesey no ta bin na
remarca, of cu un grupo ta sera cabez pa propone un solucion cu
no ta na interes di e pueblo. Tambe ta posibel cu un comision no ta
dispone di e expertisio necesario pa produci un analisis y solucion
adecua of optimo. Pesey, un Minister no por compromete su mes cu
un conseho cu e ta ricibi a base di consensus, a menos cu e tin e
garantia cu e ta ricibiendo tal conseho di un manera sincero y na
interes di e pueblo. Wak e ehempel di e comision di AZV mes.
Contra tur ley vigente y ademas contra tur logica, ta purba
aconseha Minister Wever pa hinca man den e fondo di AOV. Kiko ta
bai pasa si den e raport final semehante, of cualquier otro, conseho
disparata wordo hasi a base di consensus? Awor mi ta spera cu
Minister Wever por compronde cu e mester bai wak bon con e ta
sigui deal cu e comision di AZV. Si e kier pone su carera politico na
peliger, esey lo ta un asunto personal, pero esaki nunca por
significa cu e lo bai perhudica e pueblo tambe!
Aruba, oktober 2008.
AZV y pa tal fin a nombra un comision pa studia e mencionado
problema y bin cu un conseho profesional pa gobierno. Minister
Wever a bai asina leu di bisa cu si ta necesario, e ta laga su carera
politico depende di esaki. Pero, kiko lo pasa si no ta minister Wever
su carera politico, sino e bienestar di e pueblo minister Wever ta
comprometiendo cu su Decreto Ministerial di 29 di Mei 2008? Un
analisis di e Decreto Ministerial concerni cu ta establece e comision
y su tarea ta munstra e siguiente peligernan: di un banda e Decreto
Ministerial ta reconoce cu e seguro di AZV mester garantisa un
acceso di e pueblo na tal seguro y cu e servicio brinda mester ta di
calidad y na un prijs cu ta pagable. Di otro banda ora e Decreto
Ministerial ta papia di e tarea di e comision e focus ta bin cai riba un
analisis di e problemanan di e seguro aki pa bin cu un solucion pa
principalmente e deficit financiero structural ce e seguro di AZV tin.
Ta bisa tambe cu e solucionnan sugeri mester goza di un sosten
amplio di e sociedad (maatschappelijk draagvlak). Awor, si wak
con e comision bou di guia di Sr. Marapin a interpreta e Decreto
Ministerial, anto ta bira cla cu en berdad e enfoque ta principalmente
dirigi riba e funcionamento di e organo AZV y su aspectonan di
ingreso y gasto. Pues, un enfoque economico-financiero pa wak
con ta cera e buraco cu e sistema financiero ta ocasionando.
Aunque tur miembro di e comision a compronde cu e verdadero
solucion pa AZV lo mester bin door di baha su gastonan, toch ta
pensa pa bin lo mas pronto posibel cu medidanan pa hisa su
ingreso! E aspectonan di calidad di e seguro medico, igualmente cu
e parti di acceso pa e pueblo, diripente ta kedando na di dos lugar!
Di e manera aki ta parse cu e comision ta forma simpelmente pa
yuda Minister Wever haña un solucion financiero, aunque esaki lo
perhudica e pueblo den asuntonan manera nan contribucion, e
calidad di cuido y e acceso na e seguro! Otro aspecto importante ta
cu den tur e problemanan di AZV, gobierno mes a hunga tanto den
pasado como den presente, un rol di culpabel hopi grandi. Entre
otro, dia a introduci AZV, a traha un ley sin cu tabatatin suficiente
conocimento riba e tereno aki. E preparacion y e calculo di e prima
na momento di e introduccion di AZV tabata deficiente. Un
evaluacion integral cu mester a tuma lugar despues di un par di aña,
nunca a tuma lugar. Semper gobierno a keda debe e pueblo un
politica efectivo di ‘Health Promotion’ y ta falta un bon control riba e
cobranza y e traspaso di e cobranza di e prima door di
Belastingdienst. Por ultimo por bisa cu gobierno mes tambe ta sigui
promove un economia basa riba trabou cu un valor agrega abou, di
manera cu gobierno mes ta pone e systema di financiamento di AZV
bou presion. Manera mi a bisa caba e parti aki di e responsabilidad
di gobierno no ta wordo trata den e raport di e comision di AZV.
Un otro punto pa considera seriamente ta cu e Decreto Ministerial ta
bisa cu si tin consensus e conseho di e comision lo haña un
caracter obligatorio (bindend advies). Esaki ta peligroso pasobra na
Aruba nos tin experiencia cu consensus por resulta un cuchiu cu ta
corta di dos banda! Ta posibel ora di traha cu consensus cu un bon
solucion ta wordo boycotia den un grupo y pesey no ta bin na
remarca, of cu un grupo ta sera cabez pa propone un solucion cu
no ta na interes di e pueblo. Tambe ta posibel cu un comision no ta
dispone di e expertisio necesario pa produci un analisis y solucion
adecua of optimo. Pesey, un Minister no por compromete su mes cu
un conseho cu e ta ricibi a base di consensus, a menos cu e tin e
garantia cu e ta ricibiendo tal conseho di un manera sincero y na
interes di e pueblo. Wak e ehempel di e comision di AZV mes.
Contra tur ley vigente y ademas contra tur logica, ta purba
aconseha Minister Wever pa hinca man den e fondo di AOV. Kiko ta
bai pasa si den e raport final semehante, of cualquier otro, conseho
disparata wordo hasi a base di consensus? Awor mi ta spera cu
Minister Wever por compronde cu e mester bai wak bon con e ta
sigui deal cu e comision di AZV. Si e kier pone su carera politico na
peliger, esey lo ta un asunto personal, pero esaki nunca por
significa cu e lo bai perhudica e pueblo tambe!
Aruba, oktober 2008.