Un Sintesis Riba Vakminister |
Campaña pa eleccion di Staten 2009 ta den full swing. Den casi dos
siman mi no tabata tin tempo pa reacciona riba un articulo di sr. Elio
Nicolas relaciona cu e tema di vakministers, cu a capta e atencion di
asina hopi hende. Loke a yama mi atencion den e articulo indica ta cu
sr. Nicolas lo a desea pa mi no ocupa mi mes di e tema di vak-
ministers, tal vez pa di e manera aki tene nos pueblo bobo cu infor-
macion incompleto y unilateral cu partido RED ta desea di impone
como nan unico credo riba nos votadornan. Tambe, ta purba garra di
algo cu a wordo ‘overlooked’, pa mustra cu mi ta ekiboca y pesey tur
mi ponencianan al respecto lo ta irrelevante. En realidad, partido
RED ta mandando otro mensahe pa pueblo. RED ta den ‘paniek’
pasobra e idea di vakminister como un remidi milagroso contra tur
nos problemanan den gobernacion, ta keda desbarata pa e mayoria
di mi ponencianan. Resumiendo mi puntonan di bista mi ta recorda
nos lectornan cu: 1. E conocemento di un vakminister NO ta ningun
sorto di garantia contra corupcion. Simpelmente, pasobra conoce-
mento y corupcion no ta relaciona cu otro. Corupcion ta un problema
di integridad y moralidad di un persona y NO di su profesion of nivel
di conocemento. 2. Corupcion den administracion publico, ta ademas
un problema di tur departamento cu e diferente procesonan di
trabao. E no ta unicamente relaciona cu e (vak)minister. Mas, un
ejecutivo di gobierno sin conocemento di leynan y e funcionamento
publico, por complica cos na luga di resolvenan. Den e particular aki,
nunca lubida e ‘poder’ di un empleado publico. 3. Un vakminister ta
mas aleha di e pueblo cu un minister cu a pasa den e proceso
electoral. Esaki ta algo antidemocratico, pasobra democracia ta e
participacion mas directo cu ta posibel di e pueblo den e proceso di
tumamento di decision di gobierno. 4. Antidemocratico ta tambe cu
un Conseho di Minister cu NO a participa den un proceso electoral
democratico, por disolve un parlamento cu SI a participa den tal
proceso. Aki no ta porta cu den e proximo gobierno ta un, of algun
vakminister so, lo por tin. Ta trata di un principio y e peliger
antidemocratico cu e ta envolve. 5. RED como (probabel) fraccion
minoritario den parlamento, cu lo por forma parti di un gobierno
nobo, lo NO por controla un vakminister y mande cas ora cu RED so
huzga esaki necesario. RED lo mester di e aprobacion di nan partner
di coalicion, ya cu ta e mayoria di parlamento por tuma un decision
asina.
Awor, ta hopi straño pa wak con di un banda partido RED a dunami
razon riba e punto 5 anterior, mientras cu di otro banda sr. Rudy
Lampe ta sigui bisa den publico cu RED lo tuma e decision di manda
su vakminister(nan) cas ora e partido/fraccion dicidi cu esaki ta
necesario. Tal tabata por ehempel e caso durante e ultimo reunion di
SNAPP, caminda personalmente mi por a tende tal afirmacion wordo
ripiti, despues cu e asunto a keda aclarea den prensa.
E asunto di control, awor cu RED a anuncia dos vakminister, a bira
ademas interesante. Den e caso di e prome vakminister anuncia, por
nota con e candidato a pone tres condicion pa e por funciona. E
pregunta cu varios persona ta hasi nan mes ta: ken ta bay controla
ken, den un situacion asina? No lubida cu e palabra control kier
meen tanto ‘verifica’ como ‘dirigi’. Ta resulta aki, cu prome cu e
vakminister a hasi nada cu e parlamentarionan por controla, e mes a
zorg pa e dispone di condicionan cu cua E por verifica y dirigi, en
parti por lo menos, e funcionamento di e parlamentarionan! Mas, e
condicion pa dispone di ayudo financiero di Hulanda pa e funciona,
ta saca nos parlamentarionan fo’i di nan zona di autoridad y
funcionamento delinea. Ni gobierno, corda parlamento of un fraccion
den parlamento di Aruba, por garantiza tal condicion!
E anuncio di e di dos vakminister, mi a compronde, a bruha liña di
masha hopi hende mes. Pasobra, ta ki interpretacion RED ta
dunando na e termino vakminister? Normalmente, un vakminister,
manera SI ta e caso cu e promer anuncio, ta un profesional y/of
academico cu un expertisio solido riba un of mas tereno profesional
especifico. Cu tur respect pa e experiencia y carera como sindicalista
di e di dos candidato, e votadornan kier sa ta cua ta e area caminda e
candidato aki a ricibi un estudio formal y profundo na nivel profe-
sional y/of academico, cu ta hasie un ‘vakman’ riba algun tereno?
Muy en especial, e teronan social y turistico? Por lo demas, mester
remarca cu compara e candidato aki cu presidente LULA di Brasil, ta
algo totalmente sin base. Sr. Lula, hustamente ta e ehempel bibo di
un persona cu a scoge e caminda di un eleccion democratico pa
yega na eherce un cargo publico. E a lanta su propio partido, bay
eleccion y resulta victorioso. Algo, cu e di dos candidato di RED pa
vakminister, of podise mi mester bisa akinan, pa vakbondminister,
NO ta hasiendo.
siman mi no tabata tin tempo pa reacciona riba un articulo di sr. Elio
Nicolas relaciona cu e tema di vakministers, cu a capta e atencion di
asina hopi hende. Loke a yama mi atencion den e articulo indica ta cu
sr. Nicolas lo a desea pa mi no ocupa mi mes di e tema di vak-
ministers, tal vez pa di e manera aki tene nos pueblo bobo cu infor-
macion incompleto y unilateral cu partido RED ta desea di impone
como nan unico credo riba nos votadornan. Tambe, ta purba garra di
algo cu a wordo ‘overlooked’, pa mustra cu mi ta ekiboca y pesey tur
mi ponencianan al respecto lo ta irrelevante. En realidad, partido
RED ta mandando otro mensahe pa pueblo. RED ta den ‘paniek’
pasobra e idea di vakminister como un remidi milagroso contra tur
nos problemanan den gobernacion, ta keda desbarata pa e mayoria
di mi ponencianan. Resumiendo mi puntonan di bista mi ta recorda
nos lectornan cu: 1. E conocemento di un vakminister NO ta ningun
sorto di garantia contra corupcion. Simpelmente, pasobra conoce-
mento y corupcion no ta relaciona cu otro. Corupcion ta un problema
di integridad y moralidad di un persona y NO di su profesion of nivel
di conocemento. 2. Corupcion den administracion publico, ta ademas
un problema di tur departamento cu e diferente procesonan di
trabao. E no ta unicamente relaciona cu e (vak)minister. Mas, un
ejecutivo di gobierno sin conocemento di leynan y e funcionamento
publico, por complica cos na luga di resolvenan. Den e particular aki,
nunca lubida e ‘poder’ di un empleado publico. 3. Un vakminister ta
mas aleha di e pueblo cu un minister cu a pasa den e proceso
electoral. Esaki ta algo antidemocratico, pasobra democracia ta e
participacion mas directo cu ta posibel di e pueblo den e proceso di
tumamento di decision di gobierno. 4. Antidemocratico ta tambe cu
un Conseho di Minister cu NO a participa den un proceso electoral
democratico, por disolve un parlamento cu SI a participa den tal
proceso. Aki no ta porta cu den e proximo gobierno ta un, of algun
vakminister so, lo por tin. Ta trata di un principio y e peliger
antidemocratico cu e ta envolve. 5. RED como (probabel) fraccion
minoritario den parlamento, cu lo por forma parti di un gobierno
nobo, lo NO por controla un vakminister y mande cas ora cu RED so
huzga esaki necesario. RED lo mester di e aprobacion di nan partner
di coalicion, ya cu ta e mayoria di parlamento por tuma un decision
asina.
Awor, ta hopi straño pa wak con di un banda partido RED a dunami
razon riba e punto 5 anterior, mientras cu di otro banda sr. Rudy
Lampe ta sigui bisa den publico cu RED lo tuma e decision di manda
su vakminister(nan) cas ora e partido/fraccion dicidi cu esaki ta
necesario. Tal tabata por ehempel e caso durante e ultimo reunion di
SNAPP, caminda personalmente mi por a tende tal afirmacion wordo
ripiti, despues cu e asunto a keda aclarea den prensa.
E asunto di control, awor cu RED a anuncia dos vakminister, a bira
ademas interesante. Den e caso di e prome vakminister anuncia, por
nota con e candidato a pone tres condicion pa e por funciona. E
pregunta cu varios persona ta hasi nan mes ta: ken ta bay controla
ken, den un situacion asina? No lubida cu e palabra control kier
meen tanto ‘verifica’ como ‘dirigi’. Ta resulta aki, cu prome cu e
vakminister a hasi nada cu e parlamentarionan por controla, e mes a
zorg pa e dispone di condicionan cu cua E por verifica y dirigi, en
parti por lo menos, e funcionamento di e parlamentarionan! Mas, e
condicion pa dispone di ayudo financiero di Hulanda pa e funciona,
ta saca nos parlamentarionan fo’i di nan zona di autoridad y
funcionamento delinea. Ni gobierno, corda parlamento of un fraccion
den parlamento di Aruba, por garantiza tal condicion!
E anuncio di e di dos vakminister, mi a compronde, a bruha liña di
masha hopi hende mes. Pasobra, ta ki interpretacion RED ta
dunando na e termino vakminister? Normalmente, un vakminister,
manera SI ta e caso cu e promer anuncio, ta un profesional y/of
academico cu un expertisio solido riba un of mas tereno profesional
especifico. Cu tur respect pa e experiencia y carera como sindicalista
di e di dos candidato, e votadornan kier sa ta cua ta e area caminda e
candidato aki a ricibi un estudio formal y profundo na nivel profe-
sional y/of academico, cu ta hasie un ‘vakman’ riba algun tereno?
Muy en especial, e teronan social y turistico? Por lo demas, mester
remarca cu compara e candidato aki cu presidente LULA di Brasil, ta
algo totalmente sin base. Sr. Lula, hustamente ta e ehempel bibo di
un persona cu a scoge e caminda di un eleccion democratico pa
yega na eherce un cargo publico. E a lanta su propio partido, bay
eleccion y resulta victorioso. Algo, cu e di dos candidato di RED pa
vakminister, of podise mi mester bisa akinan, pa vakbondminister,
NO ta hasiendo.